Friday, September 24, 2010

"ቤተ ክርስቲያን የግሌ ናት ካሉ፤ ትንሽ ቆይተው አምላካችሁ እኔ ነኝ እንዳይሉ መፍራት ነው"

(ከአብነት ብርሃኔ)
እንደው የቤተ ክርሰቲያናችን ነገር ምን ቢደርግ ይሻላል፡፡ እኛም እያየን መቃጠል ሆነ፤ እነሱም "ምን ታመጣላችሁ"?  የሚል መንፈስ ልባቸውን ደፍኖት መጫወቻ አደረጉዋት እኮ፡፡ ደጆችሽ አይዘጉ የተባለችውን ቤተ ክርስቲያን የፈለኩት ይግባ፤ ያልፈለኩት አይግባ ተብሎ በፖሊስ የሚጠበቅበት ጊዜ ላይ ደረስን፡፡ ለነገሩ ኃይለኛ የገንዘብ ጥማት ያላቸው ምድራዊውን ብቻ የሚያስቡ ገብጋቦችና ራስ ወዳዶች ናቸው የተሰገሰጉባት፤ከውስጥ በልቶ የማይጠግብ መዥገር ተጣብቆ ይመጣታል፤ ከውጭ አረማውያን ያደሙዋታል፤መቼም የሚተኛላት አልተገኘም፡፡

የቨርጂንያውም ካህን ባለፈው ዓመት አዲስ አበባ መጥተው ለቤተ ክርስቲያን መርጃ መጽሐፍ አሳትሜያለሁ፤ ግዙ ብለው ምንም ቁም ነገር የሌለው የራሳቸውን ፎቶና ታሪክ በብዛት ያካተተ መጽሐፍ ሲቸበችቡ ነው የከረሙት፡ ብልጣብልጥ አንደበታቸውና ቁም ነገር የሌለው ባዶ መጽሐፋቸው ማንነታቸው በደንብ ይገልጸዋል፡፡ እናንተ ካላችሁዋቸው በላይ ናቸው፡፡ ቤተ ክርስቲያን "የግሌ ናት"  ካሉ፤ ትንሽ ቆይተው "አምላካችሁ እኔ ነኝ"  እንዳይሉ መፍራት ነው፡፡ በዘመናችን በቁማቸው ሐውልት ያሰሩ አየን አይደል እንዴ? አያድርገው እንጂ ታቦት ሊቀረጽላቸው እንደሆነም በሰፊው እየተወራ ነው፡፡

ኧረ ጎበዝ አንድ ነገር እናድርግ ዝም ብለን የምንተኛው እስከመቼ ነው!!!

1 comment:

yemererew said...

Eriii wu wu wu yebete kirstian amlake wodet neh ebakeh fired betehin atra.