Thursday, December 29, 2011

ለብፁዕ አቡነ ፋኑኤል ከደብረ ምሕረት ቅዱስ ሚካኤል ቤተ ክርስቲያን ምእመናን የተላከ መልዕክት


  • “እኛን ከጠላችሁ ለምን ቤተ ክርስቲያን ትመታላችሁ እዛው በየቤታችሁ መቅረት ትችላላችሁ”
  • “ብትፈነዱ እንደ እኛ ካህን ጳጳስ አትሆኑም”
  • “እኔ ተምሬ ዶክተር ፕሮፌሰር መሆን እችላለሁ እናንተ ግን ካህን ጳጳስ መሆን አትችሉም”
  • “ስትወለዱም ስትሞቱም ያለ እኛ አይሆንላችሁም የአህያ ሥጋ አደላችሁ አትጣሉም …”
  • “ማፈሪያ ማፈሪያዎች ናችሁ … ማፈሪያዎች”

እኛ በምንገለግልበት እና በምናገለገልበት የዋሽንገተን ዲሲ ደብረ ምሕረት ቅዱስ ሚካኤል ቤተ ክርስቲያን በተደጋጋሚ አውደ ምሕረቱን የራስን ዲስኩር ፣ ዝና፣ ስድብ ፣ፓለቲካ መናገሪያ ሳይሆን ወንጌል መስበኪያ፣ ቃለ እግዚአብሔር መማሪያ ይሁን ብለን ብንጮህ የሚሰማን ስላጣን የቤተ ክርስቲያን ተቆርቋሪ ሁሉ ችግራችን እንዲሰማን ለማሳሰብ ነው፡፡ በቤተ ክርስቲያናችን ሰባኪም ይሁን ካህን ወይም ጳጳስ ለሕዝቡ ሊያስተላልፍ የፈለገው አስተዳደሪያዊ መልዕክት ካለ ወንገል የሚሰብክ አስመስሎ ሕዝቡን የሚያሳዝን ወቀሳ አይሉት ስድብ የመሰለ መልዕክት ያስተላልፋሉ፡፡ ወንጌል ከሆነ በአውደ ምሕረት፣ የግል መልዕክት ወይም አስተዳደራዊ ጉዳይ ከሆነ ደግሞ ለይቶ በአዳራሽ ማድረግ ይገባል፡፡ ሁል ጊዜ ቦርዱና ካህናቱ የሚፈልጉትን ተናግረው ሕዝቡ እንዳይናገር ይገድባሉ:: ሕዝቡ ግን በአውደ ምሕረት ላለመናገር እግዚአብሔርን መፍራት ይዞት ዝም ይላል፡፡ ክርስቶስ ለዚህ ነው ቤተ የጸሎት ቤት ናት እንጂ የራስ ዲስር መደስኮሪያ፣ የግለሰብ ዝና ማውሪያ፣ የነጋዴዎች መነገጂያ አይደለችም ብሎ በጅራፍ እየገረፈ ከቤቱ ያስወጣቸው፡፡

Tuesday, November 22, 2011

ቤተ ክርስቲያን መልስ አላት

READ IN PDF
በቤተ ክርስቲያን ታሪክ በተለያዩ ዘመናት አያሌ መናፍቃን ተነስተው ነበረ:: ከአርዮስ ጀምሮ ብዙ መናፍቃን በክህደታቸው ምክንያት ሊቃውንቱ ከቤተ ክርስቲያን አውግዘው ለይተዋቸዋል:: አውግዞ መለየትም ብቻ ሳይሆን መናፍቃን ለሚያነሷቸው ጥያቄዎችም መልስ ተሰጥቶባቸዋል:: ቤተ ክርስቲያን በየዘመናቱ ለመናፍቃን መልስ የሚሰጡ ሊቃውንትን አፍርታለች:: ቤተ ክርስቲያን ምልዑ ናት የሚባለው ለዚህም ነው:: 

አሁን በእኛ ዘመን ተረፈ አርዮሳውያን የቤተ ክርስቲያናችን አስተምህሮ ሳይረዱ፤ ነገር ግን ግዕዝ ስለተናገሩ ብቻ ሁሉንም ነገር እናውቃለን የሚሉ ሰዎች ተነስተዋል:: ለምሳሌ “አባ ሰላማ” የተባለው ብሎግ ማየት በቂ ምስክር ነው:: ይህ ብሎግ ቤተ ክርስቲያናችን የምታስተምረው ነገረ እግዚአብሔርን ይቃወማል:: የቅዱሳን መላእክት አማላጅነት አይቀበልም፤ ነገር ግን የተዋሕዶ ሃይማኖት ተከታይ እንደሆነ እያስመሰለ ሲያጭበረብር ይታያል:: የቅዱሳን ገድል እና የቅዱሳን መላእክት ድርሳን የሚተቸው የዘመናችን ተረፈ አርዮሳዊው ለ“አባ ሰላማ” ብሎግ መልስ የሚሆን የቤተ ክርስቲያናችን አስተምህሮ ተመርጉዘው መልአከ ሰላም ቀሲስ ደጀኔ ሺፈራው እንደ ሊቃውንቱ አባቶቻቸው ጦምረዋል:: ይህንን በመጫን ያንብቡ CLICK HERE TO READ
መልካም ንባብ::

“ለእኔ የሚናገርልኝ ሰው ከሌለ እኔው ራሴ ስለ ማንነቴ ልንገራችሁ” ( ብፁዕ አቡነ ፋኑኤል)


አቡነ ፋኑኤልና ካህን መስሎ ከቆመው BODY GUARD ጋር
ፁዕ አቡነ ፋኑኤል ምእመናንን በመናቅ “እቺን ደብረ ምሕረ ቅዱስ ሚካኤል ቤተ ክርስቲያን የሰራኋት እኔ ነኝ፤ ሥለዚህ ንብረቴ  ነው:: ማንም ውጣ ሊለኝ አይችልም” በማለት መልዕክት አስተላልፈዋል:: ሙሉ ዘገባው ይህንን በመጫን ያንብቡ (PDF);; ዘገባው የመላው ዓለም የተዋሕዶ ቤተሰብ ከሚል ብሎግ የተወሰደ ነው:: 

Tuesday, November 15, 2011

ማኅበረ ቅዱሳንን ለምን ጠሉት??

 READ IN PDF
አባ ሰላማ በማለት በቅዱሳን ስም እየተጠራ ቅዱሳን መላእክትን፣ እመቤታችንን እና ጻድቃንን  የሚዘልፈው “አባ ሰላማ” የተሰኘው የተሐድሶ መናፍቃን ብሎግ፤ በማያፍር አንደበቱ ማኅበረ ቅዱሳንን በመሳደብ ላይ ይገኛል:: ማኅበረ ቅዱስንም “የቅዱሳኑ የስድብ በረከት ለእኔም ይድረሰኝ” በማለት ይመስለናል ለብሎጉ ምን ዓይነት መልስ ሰጥቶ አያውቅም::

“አባ ሰላማ” ብሎግ በ1992 ዓ/ም ከቤተ ክርስቲያ ተወግዘው የተለዩት የተሐድሶ መናፍቃን በድሬዳዋዎቹ ቡድን እንደሚመራ አስተያየት ሰጪዎች ይናገራሉ::

ይህ የመናፍቃኑ ብሎግ በጣም በሚያሳዝን ሁኔታ ማኅበረ ቅዱሳን ላይ በሬ ወለደ ዓይነት ወሬዎች ይዘግባል:: ሰሞኑን ከተዘገቡ የሐሰት ውንጀላዎች መካከል “ማኅበረ ቅዱሳን የግቢ ጉባኤ አባላቱን በግድ ወርሃ ጽጌ እንዲጾሙ ያዛል” የሚል ነው:: በእርግጥ ዲያቢሎስ ጾም መች ይወዳል፤ የግብር ልጆቹ ቢቃወሙም አይደንቅም::  ወርሃ ጽጌን ብዙዎች ምእመናን እና ካህናት የእመቤታችን ቅድስት ድንግል ማርያም ስደቷን በማሰብ በፈቃድ እንደሚጾሙት የሚታወቅ ነው:: እንግዲህ አንዳንድ የግቢ ጉባኤ ተማሪዎችም በፈቃድ ይጾሙታል የሚል እምነት አለን::

Sunday, November 13, 2011

“እመቤታችን ቅድስት ድንግል ማርያም የአዳም ኃጥያት አልወረሰችም” ሊቀ ኅሩያን ከፈለኝ ወልደ ጊዮርጊስ

READ IN PDF
“እመቤታችን ቅድስት ድንግል ማርያም  የአዳም ኃጥያት አልወረሰችም” ሊቀ ኅሩያን ከፈለኝ ወልደ ጊዮርጊስ
የዛሬ ዓመት አካባቢ “ነጭ እንቁ በአዳም ገላ” የተሰኘው መጽሐፍ የዲሲ ማኅበረ ካህናትን አጋለጠ በሚል አንድ ዜና መዘገባችን ይታወሳል:: ዜናውን እዚህ ላይ በመጫን ያንብቡ:: የማህበረ ካህናቱ አባል የነበሩት ሊቀ ኅሩያን ከፈለኝ ወልደ ጊዮርጊስ በመጽሐፉ ከተጠቀሱት መካከል ነበሩበት:: ይኅንን አስመልክቶ እውተኛ አቋማቸው የሚገልጽ ጽሑፍ ከቤተ ደጀኔ ብሎግ ላይ አግኝተናል:: ጽሑፉም  እንደሚከተለው ቀርቧል:: መልካም ንባብ::   
+++
ከሊቀ ኅሩያን ከፈለኝ ወልደ ጊዮርጊስ
ሊቀ ኅሩያን ከፈለኝ
            «ነገር ግን ቃላችሁ አዎን አዎን፥ ወይም አይደለም አይደለም ይሁን፤»
ማቴ ፭፥፴፰።
ይህ ቃል፦ ጌታችን አምላካችን መድኃኒታችን ኢየሱስ ክርስቶስ፦ በምንም ነገር ቢሆን መማል ፈጽሞ እንደማይገባ ከተናገረ በኋላ የተናገረው ቃል ነው። እኔም እውነት የሆነውን እውነት፥ ሐሰት የሆነውን ደግሞ ሐሰት ለማለት ይኽንን ሕያው የሆነውን የጌታዬን የአምላኬን የኢየሱስ ክርስቶስን ቃል መነሻ አድርጌያለሁ።
             
ቅዱሳን አባቶቻችን ጥንተ ጠላታቸው ሰይጣን የተለያየ ክብረ ነክ ስድብ ሲሰድባቸው በትእግሥት ያሳለፉት፥ በአኰቴት ይቀበ ሉት ነበር። ስለ ሃይማኖታችው መዋረድ ለእነርሱ ጸጋ ነውና። ቅዱስ ዳዊት ከዙፋኑ ወርዶ ከተርታው ሕዝብ ጋር ተሰልፎ በመዘመሩ ሜልኰል ወለተ ሳኦል አሽሟጣው ነበር፥ እርሱ ግን ሽሙጡን በጸጋ ተቀብሎ ስለ እግዚአብሔር ክብር ገና ከዚህ የበለጠ ራሱን እንደ ሚያዋርድ ነግሯታል። ፪ኛ ሳሙ ፮፥፳-፳፪። የገዛ ልጁ አቤሴሎም አሳድዶት በስደት በሚንከራተትበትም ጊዜ የሳኦል ቤተ ዘመድ የሆነ፥ ሳሚ የሚባል ሰው በሕዝቡና በመኳንንቱ ፊት ሰድቦታል። ይህ በዳዊት ላይ የወረደ ስድብና ውርደት ያሳዘናቸውና ያበሳጫቸው የሶር ህያ ልጆች ሰይፋቸውን መዝዘው ነበር። በዚህን ጊዜ ቅዱስ ዳዊት፦ «ተዉት ይስደበኝ፤ (ይርገመኝ፥ ያዋርደኝ፤)፤» ብሎአቸዋል። በየዘ መኑ የተነሡ ሊቃውንተ ቤተክርስቲያንም ስድቡን ብቻ ሳይሆን ሰይፉን፥ እሳቱን፥ ግርፋቱን ሁሉ ታግሠው እስከ ሞት ድረስ ጸንተዋል። «እስከ ሞት ድረስም የታመንህ ሁን፤ የሕይወት አክሊልንም እሰጥሃለሁ።» የተባለውን በተግባር ፈጽመዋል። ራእ ፪፥፲። በሃይማ ኖታቸው ሲመጡባቸው ግን ትእግሥት የላቸውም፥ «መናፍቅ» ሲሉአቸው ዝም አይሉም።

Saturday, November 12, 2011

“የቅዱስ ሲኖዶስ ውሳኔ አከብራለሁ፣ የተመደብኩበት ቦታ እሄዳለሁ” ብፁዕ አቡነ አብረሃም

ብፁዕ አቡነ አብረሃም
 READ IN PDF
ዛሬ በሲልቨር እስፕሪንግ ሜሪላድ ኆኅተ ምሥራቅ ኪዳነ ምሕረት ቤተ ክርስቲያን የቅዳሴ ቤት ለማክበር የተገኙት በኢትዮጵያ ኦርቶዶክስ ተዋሕዶ ቤተክርስቲያን የዋሽንግተን ዲሲ እና አካባቢው ሀገረ ስብከት ሊቀ ጳጳስ ብፁዕ አቡነ አብረሃም ወደ ኢትዮጵያ ቅዱስ ሲኖዶስ ወደ መደባቸ ሀገረ ስብከት እንደሚሄዱ ገለጹ:: ብፁዕነታቸው የተመደቡበት ቦታ የሚገልጽ ደብዳቤ ህዳር 1፣ 2004 ዓ/ም እንደደረሳቸው ገልጸው፤ ነገር ግን ለዚህ ሀገረ ስብከት ስለተመደበ አባት ምንም የሚያውቁት ነገር እንደሌለ ተናግረዋል:: ብፁዕነታቸው አንዳንድ ጅምር ሥራዎች ሥላሉዋቸው እስከ ታህሣሥ ወር አጋማሽ ድረስ ለመቆየት ለቅዱስ ሲኖዶስ ደብዳቤ መጻፋቸውም ጭምር ገልጸዋል:: በዕለቱም ትምህርታቸው “እኔ የቤተ ክርስቲያን ሥርዓት እና ቀኖና ይከበር ብዬ እያስተማርኩ፤ ቀኖና ቤተ ክርስቲያን የምጥስበት ምክንያንት ምንም የለኝም” በማለተ ተናግረዋል:: አንዳንድ ሰዎች “ዛሬ ለምን የቅዳሴ ቤቱን አከበርክ”? ብለው ይጠይቁ ይሆናል፤ ነገር ግን ዛሬ የተገኘሁበት ምክንያት አስቀድሞ የተያዘ መርሀ ግብር በመሆኑ እንዲሁም ደግሞ ከሀገረ ስብከቱ መነሳቴ እንደ እናተው ዜና ከማንበብ ውጪ ሌላ ምንም የደረሰኝ መልዕክት ስላልነበረ ነው::  ሥለዚህ በዛሬው እለት የቅዳሴ ቤት ማክበሬ ከቀኖና ቤተ ክርስቲያን የወጣ አይደለም ብለዋል::

Thursday, November 10, 2011

ብፁዕ አቡነ ፋኑኤል ከፍተኛ ተቃውሞ ይጠብቃቸዋል፣ቅዱስ ሲኖዶስ በሰሜን አሜሪካን የቤተ ክርስቲያን ችግር ንክኪ የሌለባቸው አባቶች እንዲመድብ ፊርማ እየተሰባሰበ ነው

 READ IN PDF
የፊታችን ቅዳሜ ህዳር 02/2004 ወደ ዋሽንግተን ዲሲ የሚገቡነት ብፁዕ አቡነ ፋኑኤል ከፍተኛ ተቃውሞ እንደሚጠብቃቸ እየተነገረ ነው:: ብፁዕነታቸው ከዚህ በፊት የሰሩዋቸው ኢ-ክርስቲያናዊ ተግባራት በዚህ አካባቢ በሰፊው የሚታወቅ ስለሆነ ተቃውሞው የከፋ ያደርገዋል ተብሎ ይጠበቃል:: በሰሜን አሜሪካ የሰንበት ትምህርት ቤቶች አንድነት ማኅበር፣ በዋሽንግተን ዲሲ እና አካባቢው ሀገረ ስብከት ውስጥ የሚገኙት የኢ/ኦ/ተ/ቤ/ክ አጥቢያ አቢያተ ክርስቲያናት፣ በገለልተኛ አስተዳደር ስር የሚገኙ የሰንበት ትምህርት ቤት ወጣቶች እና በሰሜን አሜሪካ የማኅበረ በዓለ ወልድ አባላት ዘንድ ከፍተኛ ተቃውሞ ይጠብቃቸዋል ተብሎዋል:: “የግል ቤተ ክርስቲያን ያለው አባት እንዴት ቤተ ክርስቲያን አንድ ሊያደርግ ይችላል”? የሚል ጥያቄ እየተነሳ መሆኑም እየተነገረ ነው::

Wednesday, November 9, 2011

የፓትርያርክ ጳውሎስ ቁማርና የቤተክርስቲያን ተስፋ

 ከቀሲስ ወንድምስሻ አየለ ፌስ ቡክ የተወሰደ:: READ IN PDF
ቁማር ከመዝናናት ሌላ ጥቅም ለማግኘት ሲባል የሚጫወቱት ሕጋዊና ሕገወጥ ጫወታ መሆኑና ማንኛውንም ጫወታ በቁማርነትም ሆነ በመዝናኛነት ለይቶ የመጫወቱ ድርሻ የተጫዋቹ መሆኑ ግልጥ ነው፤ ካርታን ለመዝናኛነትም፣ ሲያስፈልግ ደግሞ በሕገወጡ ቁማርነትም መጫወት እንደሚቻል። ይህም መንፈሳዊውን ሥልጣን በያዘው ሰው ዘንድ መነገሩ እጅግ የሚያሳስብና የሚያሳዝን ነው። «አባት»ን ቁማርተኛ ብሎ ለሚናገረውም ሁለት ጊዜ ብቻ ሳይሆን አሥር ጊዜ አስቦ ዓላማንም ለይቶ የሚጸናውን ከያዙ ላያሳፍር ብሎም ሊጠቅም ይችላል። ተሳድቦና ዘልፎ ለመርካት ወይም ብስጭትን ለመወጣት ሊረዳ ቢችልም ከኅሊና ዕዳ ነፃ ለመሆን ግን እውነተኛ መረጃ ይፈልጋል፤ እንደነ በጋሻውም በአደባባይ ለመገላበጥ አይገደድም። እኛምይህን ታሳቢ አድርገን እንቀጥል።

ከረጅሙ ታሪካቸው ባጭሩ

Tuesday, November 8, 2011

የብፁዕ አቡነ ፋኑኤል ወደ አሜሪካ መመደብ ተቃውሞ ለምን አስፈለገ???

READ IN PDF
ከዚህ በፊት በተደጋጋሚ እንደዘገብነው በሰሜን አሜሪካ ለቤተ ክርስቲያን ክፍፍል ዋናኛው ተዋናኝ ብፁዕ አቡነ ፋኑኤል ነበሩ:: ብፁዕነታቸ የጵጵስና ማዕረግ ከማግኘታቸው በፊት “አባ መላኩ” በመባል ይጠሩ ነበረ:: በወቅቱም በኢትዮጵያ ኦርቶዶክስ ተዋሕዶ ቤተ ክርስቲያን የሰሜን አሜሪካ ሊቀ ጳጳስ ብፁዕ አቡነ ማትያስ ነበሩ:: የዛኔው አባ መላኩ ብፁዕ አቡነ ማትያስን አልቀበልም በማለት “ገለልተኛ” ቤተ ክርስቲያን አቋቋመው ነበረ:: ከሌሎች ከግባበሮቻቸው ጋር በመሆን አሁን የሚሰግዱላቸ ፓትርያርክ ብፁዕ ወቅዱስ አቡነ ጳውሎስን ለመቃወም “የገለልተኞች” የካህናት ማኅበር አቋቁመው ነበረ:: አባ ሰረቀ ብርሃን ወልደ ሳሙኤል የዚሁ “የገለልተኞቹ” ማኅበረ ካህናት ከአባልነት በተጨማሪም በኃላፊነት ሰርተዋል::

Friday, November 4, 2011

አባ ሰረቀ ብርሃን ወልደ ሳሙኤል እና "አባ ሰላማ " ብሎግ

 TO READ PDF CLIK ON HERE
“አባ ሰላማ” የተሰኘው  ብሎግ የተዋሕዶ ድምጽ እዳልሆነ የአደባባይ ላይ ምስጢር ነው:: የሚያወጣቸው ጽሑፎች እዚህ ላይ እንዳናወጣቸው ዳግም ቅዱሳን መላእክትን፣ እመቤታችን ቅድስት ድንግል ማርያምን እንዲሁ ጻድቃንን መሳደብ ስለሚሆንብን አናወጣውም:: ይህ አባ ሰላማ የሰኘው ብሎግ አባ ሰረቀ ብርሃን ወልደ ሳሙኤል የቤተ ክህነቱ መረጃ እያቀበሉት ለወራት ቤተ ክርስቲያናችንን ሲያንቋሽሽ እና ሲሳደብ ሰንብቶዋል:: አሁንም ቢሆን የተዋሕዶ ሃይማኖት የምታስተምራቸው እና የምትቀበላቸው መሠረታዊ ትምህርቶችን በመንቀፍ ላይ ይገኛል:: እነ ዲ/ን በጋሻው ደሳለኝ እና አባ ሰረቀ ወልደ ሳሙኤልን እየደገፈ በተለያዩ ግዜያት ብዙ ጽሑፎችን አቅርቧል:: ነገር ግን ማኅበረ ቅዱሳንን በማውገዝ እና በመንቀፍ በተደጋጋሚ ያለመሰላቸት በመጣር ላይ ነው::

Thursday, November 3, 2011

ብፁዕ አቡነ ፋኑኤል ቅዱስ ሲኖዶስን እንዴ ለሁለተኛ ግዜ አታለሉት?

TO READ IN PDF CLICK ON HERE
ብፁዕ አቡነ ፋኑኤል የጵጵስና ማዕረግ በተሾሙበት ዕለት በቅዱስ ሲኖዶስ ምልአተ ጉባኤ ፊት ቆመው “በአሜሪካን ሀገር ቤተ ክርስቲያን ሰርቼ ለኢትዮጵያ ኦርቶዶክስ ተዋሕዶ ቤተ ክርስቲያን አስረክቤያለሁ” በማለት ተናግረው ነበረ:: በዚህም ምክንያት ምልዓተ ጉባኤው በደስታ ተቀብሎት ለብፁዕ አቡነ ፋኑኤል ተጨብጭቦላቸው ነበር::  ይህ “ሰርቼ አስረክቤያለሁ” ያሉት የዋሽንግተን ዲሲ ደብረ ምሕረት ቅዱስ ሚካኤል ቤተ ክርስቲያን ግን እርሳቸው ከሄዱበት ጊዜ ጀምሮ የቤተ ክርስቲያኑ አባላት እርስ በርሳቸው በመካሰስ ላይ እየኑሩ ነው:: በወቅቱ ብፁዕነታቸ እውነትም የደብረ ምሕረት ቅዱስ ሚካኤል ቤተ ክርስቲያን በኢትዮጵያ ኦርቶዶክስ ተዋሕዶ ቤተ ክርስቲያን ባለቤትነት(ይዞታነት) ቢያደርጉት ኖሮ ይሄ ሁሉ ችግር አይመጣም ነበረ:: የዋሽንግተን ዲሲ ደብረ ምሕረት ቅዱስ ሚካኤል ቤተ ክርስቲያን እንደ ብፁዕነታቸው አወዛጋቢ ሆኖ እየኖረ ነው:: ለደብሩ ውዝግብ መንስኤውም እርሳቸው ናቸው:: ብፁዕነታቸው “ሰርቼ አስረክቤያለሁ” የሚሉት ቤተ ክርስቲያን ግን፤ በባለቤትነት የተመዘገቡት ከሶስቱ ግለሰዎች አንደኛው ብፁዕ አቡነ ፋኑኤል ናቸው::  ነገር ግን ብፁዕነታቸው ያላደረጉትን አድርጌያለሁ በማለት ቅዱስ ሲኖዶስን ዋሽተዋል:: የደብረ ምሕረት ቅዱስ ሚካኤል ቤተ ክርስቲያን ምዕመናን ግን እስከ ዛሬ ድረስ እንደተበጣበጡ ይኖራሉ::

Sunday, October 23, 2011

ስለ አብነት ትምህርት ትናንትን በምናብ መነጽር የሚያዩበት፣ ዛሬንም የሚመለከቱበት፣ ነገን ደግሞ የሚተይኑበት ልዩ ዝግጅት

  • በእንተ ስማ ለማርያም የተሰኘ የኢትዮጵያ ኦርቶዶክ ተዋሕዶ ቤተ ክርስቲያን የአብነት ትምህርት ቤቶችን የትናት ማንነት፣ የዛሬ ይዞታ፣ የነገን ሁኔታ የሚዳስስ በአይነቱ ልዩ የሆነ ለመጀመርያ ግዜ ለዋሽንግተን ዲሲ እና አካባቢው ለሚኖሩ ምዕመናን ይቀርባል:: 
ዝግጅቱም ሁለት አብይ ክፍሎች እንዳሉት ከአዘጋጆቹ በደረሰን ማስታወቂያ ተረድተናል:: (READ PDF)
1/ አውደ ጥናት
  •  የኢትዮጵያ ቤተ ክርስቲያን አብነት ትምህርት ቤቶችን በተመለከተ አጠቃላይ ሁኔታ የሚዳስስ ሁለት ጥናቶች በሁለቱንም ቀናት እንደሚቀርብ ተገልጾዋል:: 
2/ አውደ ዕርይ
  • የአብነት ትምህርት ቤቶች እና የአብነት ትምህት ምንነት የሚታይበት እንዲሁም በውስጡ ሰባት ክፍሎች እንዳሉት በአዘጋጆቹ  ማስታወቂያ ተጠቁሞዋል:: የአውደ ዕርይ ክፍሎቹም እንደሚከተሉት ተገልጾዋል፡-

Tuesday, October 11, 2011

“በቤተ ክርስቲያናችን ጉዳይ ዝም አንልም” (መግለጫ)

በዓለ ወልድ ማኅበር በኢትዮጵያ ኦርቶዶክስ ተዋሕዶ ቤተ ክርስቲያን በሰሜን አሜሪካ አህጉረ ስብከት ባሉ የቅዱስ ሲኖዶስ ተወካዮች ሊቃነ ጳጳሳት ባጸደቁት ሕግና ደንብ የሚመራራ ማኅበር ነው::  በወቅቱ የቤተ ክርስቲያን ጉዳዮች ላይ እንደማንኛውም የተዋሕዶ ልጆች እለት ከእለት የቤተ ክርስቲያናችን ጉዳይ ግድ ይለናል፣ ያስለቅሰናል፣ ያሳዝነናል ስለሆነም ዛሬ የማኅበሩ አመራር ተነጋግሮ ይህንን የአቋም መግለጫ አውጥተናል:: መግለጫውም በመላው ዓለም ለሚገኝ የተዋሕዶ ልጆች በሙሉ እንዲሁም
በተለያዩ አሕጉረ ስብከት ለሚገኙ ሊቃነ ጳጳሳት በየሀገረ ስብከታቸው ለመንበረ ፓትሪያሪክ፣ ለተለያዩ ማኅበራት፣ በአጠቃላይ ለመላው የተዋሕዶ ልጆች በሙሉ እንዲያውቁት የእናንተንም ትብብራችሁን እንጠይቃለን።



    መስከረም ፳፱ ቀን ፳፻፬ ዓ.ም.
የኢትዮጵያ ኦርቶዶክስ ተዋሕዶ ቤተክርስቲያን በሰሜን አሜሪካ አህጉረ ስብከት ማኀበረ በዓለ ወልድ
ወቅታዊ የቤተክርስቲያንን ችግር መነሻ በማድረግ የተሰጠ መግለጫ

“ በቤተክርስቲያናችን ጉዳይ ዝም ማለት አንችልም ”

Sunday, September 18, 2011

“እውነት እንዴት ትነገር”?????

ደመላሽ ታደሰ የተባሉ ጦማሪ የሚከተለውን ጡመራ እንድንወያይበት አድርሰውናል:: እንወያይበት::

እውነት እንዴት ትነገር? የምናገራቸው እውነቶች ጎዱኝ:: በቤተ ክህነትም በቤተ መንግሥትም እውነት አርነት ታወጣኛለች ብዬ ተስፋ ባደርግም ይብሱኑ ተንገዋልዬ ወደ ጫፍ ወጥቻለሁ ::

በዚህም ምክንያት በቤተ መንግሥትም ለሀገሬና ለራሴ በቤተ ክህነትም ለምዕመኑ በትንሽዋ አቅሜ ልጠቅምና ልጠቀም እንዲሁም ላፍስ የምችለውን ሰማያዊ ፋይዳ አጣሁ::

Sunday, September 11, 2011

አድናቂ እንጂ መካሪ ለሌላቸው የወንጌል መምህራን የተላከ መልዕክት

የሚከተለውን ጽሑፍ የዚህ ጡመራ መድረክ ተከታታይ ከሆኑ ግለሰብ የደረሰን ነው::  መልዕክቱም አድናቂ እንጂ መካሪ ለሌላቸው አንዳድ አስበውበትም ይሁን ሳያስቡበት በፖለቲካው ለተዘፈቁት የወንጌን መምህራንን ይመለከታል:: መልካም ንባብ::
+++
ለእኛ የማናውቀውን ንገሩን ለእናንተም የሚያምርባችሁን ልበሱ!
በላፈው ዓመት ከእናንተ ብዙ ተምረናል። በሃይማኖት እና ማሕበራዊ ጉዳዮች ዙሪያ ብዙ ቁም ነገሮችን ቀስመናል። ቃለ ሕይወት ያሰማልን። ታዲያ ውጤቱን ሁላችንም በሕይወታችን የምናየው ቢሆንም፤ ዓመት መጨረሻ ላይ ስለትምህርት አሰጣጡ ሁኔታ ተማሪዎች በተራቸው አስተማሪዎቻቸውን የሚገመግሙበት አሰራር ደግሞ አለ። ይህ አሰራር ሀገራችን ውስጥ በመጠኑ ቢሰራበትም፤ በሰለጠነው ዓለም ግን በስፋት ይጠቀሙበታል። ዓላማውም ስህተቶችን አርሞ መጪውን የትምህርት ዘመን የተሻለ ውጤታማ ለማድረግ ብቻ ነው። በዚሁ መሠረት እኔም ከተማሪዎቹ አንዱ ስለነበርኩ ፤ ለዚህ ተብሎ የተዘጋጀልኝ ፎርም ባይኖርም ራሴ ባመቸኝ መልኩ መስተካከል አለበት የምለውን  እነሆ!

እናንተ አስተማሪ የምትባሉት ተማሪዎቻችሁ የማያውቁትን ስለምትናገሩ እንጂ የሚያውቁትን ስለምትደጋግሙ አይደለም። አስተማሪነታችሁም በሁሉም ዘርፍ ሳይሆን እኛ በምናውቀው እና አስተማሪዎቻችን አድርገን በተቀበልናችሁ ትምህርተ ሃይማኖትን በተመለከተ ብቻ ነው። ይህ ሲሆን እኛም በተማሪነታችን እናንተም በአስተማሪነታችሁ ቦታ ቦታችንን እንደያዝን የመማር ማስተማሩ ሂደት ይቀጥላል። አስተማሪ ሆናችሁ የምትቀጥሉት እኛ አስተማሪዎች ብለን ስለተቀበልናችሁ ብቻ እንጂ ለአስተማሪነት የሚያበቃ ዲፕሎማ ወይም ዲግሪ ስላላችሁ አለመሆኑን አስተውሉ…..በአዲሱ ዓመት!

Monday, August 15, 2011

"ይቅርታ" ከዲያቆን ዳንኤል ክብረት

በማኅበረ ቅዱሳን የሥራ አመራር ጠቅላላ ጉባኤ ላይ በገባው ቃል መሠረት ዲያቆን ዳንኤል ክብረት “ዕንቁ” ለተሰኘው መጽሔት በጻፈው መልዕክት “እንግዲህ በአብራከ ሕሊናዬ ተንበርክኬ ይቅርታ እጠይቃለሁ” በማለት ይቅርታ ጠይቋዋል:: ዕንቁ መጽሔት ላይ የቀረበው የይቅርታ መልዕክት የሚከተለውን ፒዲፍ በመጫን ያንብቡ:: READ IN PDF

ይኅንን ይቅርታ አስመልክቶ ቀሲስ ወንድምስሻ አየለ በፌስ ቡክ ላይ ያስቀመጡትን የግል አስተያየታቸው እንደሚከተለው ቀርቦዋል::
+++
መንግሥተ ሰማያት ገብቼ ተመለስኩ!
ዕለቱ እሑድ ነሐሴ ፰ ከጠዋቱ ፭ ሰዓት ነው። የቤተክርስቲያን የፍልሰታው የመጨረሻ ሰንበት የአምልኮ ሥርዓት ተፈጽሞ ብዙው ወደ ቤቱ ገብቷል፤ በቤተክርስቲያን ግቢ መዘግየት ደስ የሚላቸው ወዳጆቿ ደግሞ የፍልሰታን በረከት እያጣጣሙ ገና እየተመለሱ ነው፤ ይህ በራሱ ደስ ያሰኛል። ቋንቋው አይገባንም የማይሉት ሰዓታትና በየዓመቱ የሚናፈቀው ውዳሴ ማርያም ትርጓሜ ተደምጦ አይጠገብም፤ ከሥጋ ድካም ጋር እየታገሉ ብቻ ለዘመናት የሚበቃውን ስንቅ ማከማቸት ነው። እኔ ደግሞ ቅዳሜ የታተመችውን ዕንቁ መጽሔት በማየቴ ለመግዛትና ይዘቷን ለማየት ጓግቻለሁ፤ ሰሞኑን የኤሌክትሮኒኩና ፕሪንት ሚዲያውን ሳስስ የቆየሁበትን አጀንዳ ይዛ ተገኝታለችና። ምን ላድርግ የራሷ ሚዲያ የሌላት ግን «ታላቅ» የሚያስብሏት ታሪክ፣ ሕዝብ፣ ሀብት፣ ቅርስ፣ ጥበባት፣ ወዘተ ያላትን የቤታችንን ጉዳይ ለራሳቸው ሴኩላር ዓላማ ከተቋቋሙ ምንጮች ነውና የምናገኘው፤ ቢያምርም፣ ቢመርም ለጊዜው ግድ ነው።

Wednesday, August 10, 2011

ማኅበረ ቅዱሳን “ሥውር አመራር” እንደሌለው ገለጸ

ዲያቆን ሙሉጌታ ኃይለማርያም ለእንቁ መጽሔት የሰጠውን ቃለ ምልልስ መነሻነት ዲያቆን ዳንኤል ክብረት ባነሳቸው ነጥቦች ላይ የማኅበረ ቅዱሳን የሥራ አመራር ጉባኤ ውሳኔ ማሳለፉን በደጀ ሰላም ብሎግ ተገልጾ ነበር:: ይህንን የማኅበሩ የሥራ አመራር ጉባኤ ውሳኔ ሙሉ ዘገባ በማኅበረ ቅዱሳን መካነ ድር ላይ ተዘግቦዋል:: መግለጫው እንደሚያመለክ ተው ከሆነ ማኅበሩ ሥውር አማራር እንደሌለው እና አመራሩም ሙሉ ለሙ ከማንኛውም የፖለቲካ ፓርቲ አባል እንዳልሆኑ አረጋግጦዋል:: ዲያቆን ዳንኤል ክብረት ማኅበሩን አስመልክቶ ያሰራጨውን ጽሑፍ ሥህተት እንደሆነ ጉባኤው በሙሉ ድምጽ የወሰነ ሲሆን ዲያቆን ዳንኤልም ላሰራጨው ጽሑፍ ማስተባበያ እንዲሰጥበት ተወስኖዋል:: ዋና ጸሐፊው ዲያቆን ሙሉጌታ ኃለማርያም ለእንቁ መጽሔት በሰጡት ቃለ ምልልስ ላይ ስለ አባላት የፖለቲካ ተሳትፎ የተናገሩት የማኅበሩ አቋም አለመሆኑንና እሳቸውም ማስተባበያ እንዲሰጡበት ተወስኖዋል::
ሙሉ መግለጫውን እዚህ በመጫን ያንብቡ:: 









 

+++
የ6 ወር የሥራ አመራር ስብሰባ ውሳኔዎችን አስመልክቶ ከማኅበሩ የሕዝብ ግንኙነት አገልግሎት የተሰጠ መግለጫ::

 መግለጫውን ለማንበብ የሚከተለውን ይጫኑ::

በማኅበራችን ማኅበረ ቅዱሳን ወቅታዊ ጉዳዮች ዙሪያ ውይይት ያደረገው የ6ወሩ የሥራ አመራር ስብሰባ ወሳኔዎችን አስመልቶ ከማኅበሩ ሕዝብ ግንኙነት አገልግሎት የተሰጠ መግለጫ።

Tuesday, August 9, 2011

በማኅበረ ቅዱሳን ላይ የተሰራጨ የሐሰት መረጃ

በኢትዮጵያ ኦርቶዶክስ ተዋሕዶ ቤተ ክርስቲያን በሰንበት ት/ቤቶች ማ/መምሪያ ድህረ ገጽ ላይ የወጣው የሐሰት መረጃ አስመልክቶ ማኅበረ ቅዱሳን መግለጫ ሰጥቶዋል:: ይህ ድህረ ገጽ በማደራጃ መምርያው ስም በአባ ሠረቀ ብርሃን ጥብቅ ቁጥጥር እንደሚዘጋጅ ይታወቃል:: ሙሉ መግለጫውን እንደሚከተለው ቀርቦዋል::
+++

በማኅበረ ቅዱሳን ላይ የተሠሩ የሐሰት ሰነዶችን አስመልክቶ ከማኅበሩ ሕዝብ ግንኙነት አገልግሎት የተሰጠ መግለጫ፡፡

በስመ አብ ወወልድ ወመንፈስ ቅዱስ አሐዱ አምላክ አሜን!

Thursday, August 4, 2011

ማኅበረ ቅዱሳን በአባ ሰረቀ ብርሃን የክስ ሂደት ላይ መግለጫ ሰጠ

ማኅበሩ አባ ሰረቀ ብርሃን ወልደ ሳሙኤል በስም ማጥፋት ወንጀል መክሰሱን ይታወሳል:: የክሱ ሂደት በፍርድ ቤት እየታየ ባለበት ሁኔታ ብፁዕ ወቅዱስ አቡነ ጳውሎስ በጻፉት ደብዳቤ መነሻነት የፍትሕህ ሚኒስቴር ክሱ እንዲቋረጥ አድርጓል:: ይህንን አስመልክቶ ከማኅበረ ቅዱሳን የተሰጠ መግለጫ እንደሚከተለው ቀርቧል::

በስመ አብ ወወልድ ወመንፈስ ቅዱስ አሐዱ አምላክ አሜን።

በማኅበረ ቅዱሳን ማመልከቻ አቃቤ ሕግ በአባ ሠረቀ ብርሃን ወልደሳሙኤል ላይ አቅርቦ የነበረው የስም ማጥፋት ወንጀል ክስ የተቋረጠበት ሂደት አስመልክቶ ከማኅበረ ቅዱሳን የሕዝብ ግንኙነት አገልግሎት የተሰጠ መግለጫ፦

በኢትዮጵያ ኦርቶዶክስ ተዋሕዶ ቤተ ክርስቲያን በሰንበት ትምህርት ቤቶች ማደራጃ መምሪያ ማኅበረ ቅዱሳን ባለፉት 19 አመታት በሰንበት ት/ቤቶች ማደራጃ መምሪያ ሥር ተዋቅሮ አገልግሎት ሲሰጥ ቆይቷል። በእነዚህ ዘመናትም ቀላል የማይባሉ መልካም አስተዋጽኦዎችን ለቤተ ክርስቲያን አበርክቷል። አሁንም እያበረከተ ይገኛል። ማኅበሩ በየሁለት ዓመቱ ዕቅዱን ለመምሪያው የሚያቀርብ ሲሆን ሪፖርቶችንም በየስድስት ወሩ ያቀርባል። ከመምሪያው ኃላፊዎች ጋርም በመልካም ስምምነት ሲሠራ ቆይቷል።

Friday, July 22, 2011

የአቦይ ስብሐት “አስተያየት” እና አንድምታው

 ወቅታዊ የቤተ ክርስቲያናችን ዜና በደጀ ሰላም እንደተዘገበ:: መልካም ንባብ::
(ደጀ ሰላም፤ ጁላይ 22/2011/ TO READ IN PDF, CLICK HERE)፦ የኢሕአዴግ ፖለቲካ መሐንዲስ የሆኑት አቶ ስብሐት ነጋ ባለፈው ባስነነቡን ጽሑፋቸው ስለ ቤተ ክርስቲያን (እርሳቸው ቤተ ክህነት እያሉ አጠቃለውታል) ብዙ ቁምነገሮች አንሥተዋል። ደጀ ሰላም ለረዥም ጊዜ ስትዘግብበት፣ ርእሰ አንቀጾችን እና ሐተታዎችን ስታቀርባበቸው በነበሩ እና አሁንም በቀጠለችባቸው ጉዳዮች ላይ መሠረታዊ ብያኔዎችን በመስጠት ውይይቱን አንድ ርምጃ አራምደውታል። አቶ ስብሐት በዚህ በዓይነቱ ልዩ በሆነው ጽሑፋቸው የሚከተሉትን ነጥቦች አንሥተዋል። እነዚህም ነጥቦች፦

Tuesday, July 19, 2011

አቡነ ፋኑኤል በአትላንታ ክህነት ሰጡ፤ የሀ/ስብከቱን ሊቀ ጳጳስ አላስፈቀዱም

ጵጵስና ከተሾሙበት ጊዜ ጀምሮ አወዛጋቢው ሊቀ ጳጳስስ ብፁዕ አቡነ ፋኑኤል ከህገ ቤተ ክርስቲያን ውጪ ያለ ሀገረ ስብከታቸው ክህነት መስጠቱን መቀጠላቸው በደጀ ሰላም ተዘግቦዋል:: በማን አለብኝነት ክህነት ከመስጠትም በተጨማሪ ለዋሽንግተን ዲሲ ደብረ ሰላም ቅድስት ማርያም ቤተ ክርስቲያን የመሠረት ድንጋይ ለማስቀመጥ በድርድር ላይ መሆነቸውን ከውስጥ ምንጮች እየተሰማ ነው:: እንደ ቅዱስ ፓትርያርኩ ህገ ቤተ ክርስቲያን አሽቀንጥረው በመጣል ህገ ወጥ ሹመት በርስታቸው  በዋሽንግተን ዲሲ ቅዱስ ሚካኤል ቤተ ከርስቲያን ጀምረውት ወደ ሌሎች እስቴቶች በመዘዋወር ማእረገ ክህነት በመስጠት ላይ ናቸው::  
  
ብፁዕ አቡነ ፋኑኤል
(ደጀ ሰላም፤ ጁላይ 19/2011/ TO READ IN PDF):-  የኢትዮጵያ ኦርቶዶክስ ተዋሕዶ ቤተ ክርስቲያን ሊቀ ጳጳስ የሆኑት አቡነ ፋኑኤል አትላንታ ጆርጂያ በሚገኘውና ራሱን ገለልተኛ ብሎ በሚጠራው በአትላንታ መካነ ሰላም ቅዱስ ሚካኤል ወኪዳነምህረት ቤተ ክርስቲያን ተገው ክህነት መስጠታቸውን የቤተ ክርስቲያኑ አስተዳዳሪ ቀሲስ ኤፍሬም ከበደ ጁላይ 10 ቀን 2011 በአትላንታ አካባቢ በሚተላለፈው AM 1100 የሬድዮ ጣቢያቸው በሰጡት የደስታ መግለጫ አስታውቀዋል።

Thursday, July 7, 2011

"የጥንተ አብሶ" አስተምህሮን በተመለከተ ሊቃውንቱ ምን ይላሉ?

እዚህ ሀገረ አሜሪካ በወላዲተ አምላክ ቅድስ ድንግል ማርያም ላይ ከቤተ ክርስቲያኒቱ ነገረ ማርያም አተምህሮ ውጪ የተዛባ አስተምህሮ በይፋ አቋማቸውን በፊርማ ካረጋገጡት መካከል ቀሲስ አስተርአየ ጽጌ፤ አባ መዓዛ በየነ እና አባ አባ ሠረቀ ብርሃን ወልደ ሳሙኤል ናቸው:: ቀሲስ አስተርአየ እና አባ መዓዛ በየነ የግላቸው ቤተ ክርስቲያን በእነሱ አጠራር “church” አላቸው:: እነኚህ ሁለቱ ግለሰዎች በየትኛውም መዋቅር ከሊቃነ ጳጳሳት ጋር ግኑኝነት የላቸውም:: ከሰባቱ ሚስጥራተ ቤተ ክርስቲያን ሚስጥረ ሜሮን ከተፋለሰባቸው አጥቢያዎች መካከል የሚመደቡም ናቸው::

 አባ ሠረቀ ብርሃን ወደ ኢትዮጵያ ከመግባታቸው በፊት “በገለልተኛ አስተዳደር ሥር” በቨርጂኒያ ግዛት ፍኖተ ጽድቅ ቅዱስ ጊዮርጊስ የራሳቸው ቤተ ክርስቲያን ነበራቸው:: አሁንም ቢሆን ይህ ቤተ ክርስቲያ በባለቤትነት የእርሳቸው መሆኑን የደብሩ አባላት ይናገራሉ:: አባ ሠረቀ ብርሃን የዛሬ ስድስ ዓመት በዋሽንግተን ዲሲ አካባቢ “በገለልተኛ አስተዳደር ሥር” ያሉት በወቅቱ ማኅበረ ካህናት ተብሎ ይጠራ የነበረው እመቤታችን ቅድስት ድንግል ማርያም “የውርስ ኃጥያት አለባት ወይም ጥንተ አብሶ” አለባት ብለው ከተፈራረሙ ካህናት መካከል አንዱ ናቸው:: ከዚህ  በፊት ነጭ እንቁ በአዳም ገላ የሰኘ  የተፈራረሙበት ሙሉ መረጃ አካቶ ኢትዮጵያ ውስጥ በገበያ ላይ መዋሉን መዘገባችን ይታወሳል (ዘገባውን ለማንበብ እዚህ ይጫኑ)::

Tuesday, June 28, 2011

ጥያቄ አለኝ?

ይህንን ጥያቄ መታሰቢያ ኃይለ ሚካኤል ከተባሉ ግለሰ ፌስ ቡክ(face book) ላይ የተገኘ ነው::  ሁል ጊዜ የኢትዮጵያ ቤተ ክርስቲያን በሰሜን አሜሪካ ስናስባት ብዙኀኑ ምእመናን የሚያነሱት ምላሽ ያላገኘ ጥያቄ ነው:: ጥያቄው ወደ እውነተኞቹ የቤተ ክርስቲያን ሊቃውንት ቢደርስ ተገቢውን ምላሽ ያገኛል የሚል እምነት አለኝ::  እኔም አንዳንድ ነጥቦች ለማንሳት ተገድጃለሁ:: 
እንግዲህ  እኛ ባለንበት ዘመን በሰሜን አሜሪካ የምንኖር የቤተ ክርስቲያኒቱ ልጆች በአባ ጳውሎስ አስተዳደር ፍትሕ ጎደለ የሚሉ ወገኖች ከቤተ ክርስቲያኒቱ አስተዳደር በመነጠል “ራስችን ችለናል ወይም ገለልተኞች ነን (indenedent church)” በማለት ከቤተ ክርስቲያኒቱ አስተዳደር መዋቅር ከተገለሉ  ሁለት አስርት ዓመታትን አስቆጥረዋል። እንዲሁም በቅርቡ “የገለልተኞች ጳጳስ ይሾምልን” በማለት እጀ መንንሻ ይዘው መንበረ ፓትርያኩ ድረስ በመሄድ ደጅ በመጥናት ላይ ናቸው::

Monday, June 20, 2011

“እኔም እነደ ባሕራን ሆኜ ነበረ” ብፁዕ አቡነ ፋኑኤል

በሰሜን አሜሪካ በዋሽንግተን ዲሲ ደብረ ምሕረት ቅዱስ ሚካኤል ቤተ ክርስቲያን በዛሬው ዕለት 12/09/2003 ዓ/ም የሰኔ ሚካኤል ዓመታዊ መታሰቢያ ክብረ በዓል ለማክበር ብፁዕ አቡነ ፋኑኤል ተገኝተው ነበረ::  ደብረ ምሕረት ቅዱስ ሚካኤል ቤተ ክርስቲያን በዲሲና አካባቢው ከሚገኙት በቁጥር 20 ከሚሆኑት አጥቢያ አብያተ ክርስቲያናት መካከል “ገለልተኛ” አስተዳደር ሥር ነን ከሚባሉት መካከል አንዱ ነው። ደብሩ የዛሬ አምስት ዓመት ብፁዕ አቡነ ፋኑኤል ጵጵስና ሲሾሙ በቅዱስ ሲኖዶስ ጉባኤ ላይ “የዋሽንግተን ዲሲ ቅዱስ ሚካኤል ቤተ ክርስቲያንን ሰርቼ ለኢትዮጵያ ቤተ ክርስቲያን ሰጥቻለሁ” በማለት በመናገራቸው በደማቅ ሁኔታ የተጨበጨበለትና መንበረ ጵጵስና እንደሚሆን ቃል ተገብቶለት የነበረ ቤተ ክርስቲያን ነው። አጥቢያ ቤተ ክርስቲያኑ በባለቤትነት ወይም “article of incorporation” ከተመዘገቡት ሦስት ግለሰዎች መካከል አንዱ ብፁዕ አቡነ ፋኑኤል ናቸው::

Tuesday, June 14, 2011

አልአዛርን ከሞት ያስነሳው ማን ነው? ለበጋሻው ደሳለኝ እና ለደጋፊዎቹ ለእነ ለተስፋዬ መቆያ የተሰጠ መልስ

(ታምራት ፍስሃ)፦  የዓለም መምህር የተዋሕዶ ምስክር የተወደደ ቅዱስ ቄርሎስ የሃይማኖትን ነገር እንዳስተማረን እንናገራለን:: ሃይማኖት አበው ዘቄርሎስ ምዕራፍ (70 -72) 
“ሥላሴ አትበሉ፣ እግዚአብሔር አትበሉ፤ ኢየሱስ ክርስቶስ በሉ” (በጋሻው) ለማድመጥ ይህንን ይጫኑ
ምስጢረ ሥላሴ በከፊል ፦
እግዚአብሔር በአካል ሦስት በባህርይ አንድ ብለን እናምናለን፡፡ይኸውም  አንድ መለኮት ፣ አንድ ባሕርይ ፣ አንድ ልዕልና ፣ አንድ ጌትነት ፣ አንድ ክብር ፣ ከጥንት አስቀድሞ  የነበረ አንድ ቀዳማዊነት ነው:: ደግሞም በሦስት አካላት ፣ በሦስት ገፅት ፍፁማን ናቸው ፤ ግዙፋን አይደሉም ፣ ያልተፈጠሩ ናቸው ፣ ድካም የማይስማማቸው  የማይለወጡ ናቸው ፣ ለመገኘት ጥንት ለዘመን ፍፃሜ የላቸውም፡፡
 
ስለ ወልደ እግዚአብሔር በከፊል፦
ዳግመኛም ከአብ ባሕርይ የተገኘ አምላክ ፣ ቃል ፣ ወልድ ፣ ያልተፈጠረ ፣በመለኮት አንድ ከሚሆኑ ከሦስቱ አካላት አንድ አካል ፣ ከአብ ጋር ትክክል የሚሆን ፣ ዓለም ሳይፈጠር በመለኮታዊ  ልደቱ ከአብ የተወለደ ፣ ፍፁም  እግዚአብሔር አብን በመልክ የሚመስለው ፣ በባሕርይ የሚተካከለው የማይመረመረ የጌትነቱ መታወቂያ እንደሆነ እናምናለን፡፡ በገፁ በአካሉ ልዩ የሚሆን የአብ ልጅ ፣  አምላክ ፣ ቃል በአባቱ ፈቃድ ፣  በመንፈስ ቅዱስ ፈቃድ ለእኛ ቤዛ ሆኖ ተሰጠ፡፡ ያልተፈጠረ ፣ ሥጋ ያልነበረው ፣ የማይለወጥ እርሱ እግዚአብሔር ቃል በማይመረመር ግብር በመልኩ ፣ በአምሳሉ  የፈጠረንን እኛን ሰዎችን ለማዳን ከአብ አንድነት ሳይለይ ከሰማይ ወረደ፡፡

Monday, June 13, 2011

እውን ተሐድሶ የለምን?

በቀደሙት ዘመናት የተሐድሶ መናፍቃን እንቅስቃሴ በድብቅ ነበረ::  በዚህ ወቅት ግን አይናቸው አፍጥጠው ጥርሳቸውም አግጠው የተዋሕዶ ቤተ ክርስቲያንን እየተዋጓት ነው:: ይህንን   ከሀገር ውስጥ እስከ ውጭ ዓለም ድረስ በስውር በዘረጉት መዋቅር ዓላማቸውን በማስፈጸም ላይ ናችው::  ቅዱሳንን የመዝለፍ አስተምህሮዋቸው በአደባባይ በመግለጽ ላይ ይገኛሉ::  [ለመስማት ይህንን ይጫኑ} እግዚአብሔር አትበሉ፤ ሥላሴ አትበሉ፤ የናዝሬቱ ኢየሱስ ብቻ በሉ የሚለው የእነ በጋሻው ደሳለኝ ስብከት ህያው ምስክር ነው:: “ተሐድሶ የለም ወንድሞቻችን በፈጠራ እየከሰሳችሁ ነው፤ እነ በጋሻው እና ጓደኞቹ ተሐድሶ አይደሉም” በማለት የሚናገሩት እነ ቀሲስ ተስፋዬ መቆያ ለምን ይሆን?

በጣም የሚያሳፍረው በቅዱሳኑ ስም ድህረ ገጽ ከፍተው ቅዱሳንን መሳደባቸው ነው:: ከእነዚህም ውስጥ {ለማንበብ ይህንን ይጫኑ} አባ ሰላማ በማለት የተከፈተው ብሎግ ጻድቁ አባታችን ቅዱስ አቡነ ተክለ ሃይማኖት፤ ቅዱስ አባታችን አባ ሕርያቆስ ፤ ቅዱስ አባ ጊዮርጊስ ዘጋስጫ በይፋ እየሰደቧቸው ነው:: ይህ ብሎግ በአባ ሰረቀ ብርሃን ወልደ ሳሙኤል የፈጠራ መረጃ አቀባይነት እና ተባባሪነት ይመራል:: 

የሚከተለውን ጽሑፍ ተሐድሶውያን  ቅዱሳንን የዘለፉበት ነው::

Friday, June 3, 2011

“ተሐድሶ የለም” ቀሲስ ተስፋዬ መቆያ

መቀመጫውን በሰሜን  አሜሪካን ዋሽንግተን ዲሲ ያደረገው ቀሲስ ተስፋዬ መቆያ በዕለተ ረቡዕ 06/02/2011 በሰርክ ጉባኤ በደብረ ሰላም ቅድስት ማርያም ቤተ ክርስቲያን መድረክ ላይ "ተሐድሶ የሚባል ነገር በኢትዮጵያ ቤተ ክርስቲያን ውስጥ የለም" በማለት አስተማረ:: እንዲሁም ደግሞ ጸረ ተሐድሶ እንቅስቃሴ እያካሄዱ የሚገኙት ማኅበራት እና ግለሰዎች ላይ ተስፋዬ መቆያ የወቀሳ እና የተቃውሞ ድምጹን አሰምቶዋል:: ቀሲስ ተስፋዬ መቆያ “ተሐድሶ የለም” ብሎ መናገር መብቱ ቢሆንም፤ ነገር ግን የተሐድሶ መናፍቃን እንቅስቃሴ የሚታገሉ ወገኖችን መወንጀል አይገባውም ነበር::

Monday, April 25, 2011

ማስታወቂያ ከ "ዝክረ አቡነ መልከ ጼዴቅ" ማኅበር

            አብ ወወልድ ወመንፈስ ቅዱስ ፩ዱ አምላክ አሜን።
ወዳጅ ሊቀ ጳጳስና ብዙ ይሠራሉ ተብለው ተስፋ የተጣለባቸው ትጉህ ሐዋርያ፣ አንደበተ ርቱ ሰባኪ፣ መላ ዘመናቸውን ከስብከተ ወንጌል ሳይለዩ ከገጠር እስከ ከተማ ከሀገር ውስጥ እስከ ባህር ማዶ ወንጌልን ተጫምተው ወንጌልን ተሸክመውና ወንጌልን ተመርኩዘው በቅድስት ቤተክርስቲያን የኖሩ በእውነት ስለ እውነት እግዚአብሔርን ያገለገሉ ታላቅ አባት ነበሩ

Friday, March 18, 2011

በዋሽንግተን ዲሲ እና አካባቢው ውስጥ የሚገኙ አጥቢያዎች ዝርዝር

በተለምዶ ዋሽንግተን ዲሲ እና አካባቢው ብላ የኢትዮጵያ ቤተ ክርስቲያን ሀገረ ስብከት ያዋቀረችው በደቡብ ምሥራቅ አሜሪካን አካባቢ ያሉት ፲፭ (አሥራ አምስት) ክፍለ ግዛቶችን (እስቴቶች) ያጠቃልላል  ። ዋሽንግተን ዲሲ እና አካባቢው  (DC Metropolitan) የሚባሉት ዲሲ፣ ቨርጂኒያ እና ሜሪ ላንድ ናቸው::  በእነዚህ በሦስቱ ግዛቶች ዋሽንገተን ዲሲ፣ ሜሪ ላንድ እና ቨርጂኒያ ውስጥ 20 አጥቢያ አቢያተ ክርስቲያናት አሉ::  እነዚህ ሃያዎቹም አጥቢያ አቢያተ ክርስቲያናት የየራሳቸው የሆነ የተለያየ የአስተዳደር መዋቅር ያላቸው ናቸው። ነገር ግን በአጠቃላይ  አራት አይነት የአስተዳደር አይነት አላቸው:: በኢትዮጵያ ቅዱስ ሲኖዶስ፣ “በስደተኛ ሲኖዶስ”፣ በገለልተኛ እና በግለሰብ  የሚተዳደሩ ናቸው:: እንዲሁም በይዞታ ወይም በባለቤትነት ሃያዎቹም የተለያየ መልክ አላቸው:: እስከ አሀን ድረስ ባለው መረጃ ግን በዚህ አካባቢ በኢትዮጵያ ቤተ ክርስቲያን ይዞታነት ወይም ባለቤትነት የተመዘገበ አጥቢያ የለም:: በኢትዮጵያ ቤተ ክርስቲያን ቅዱስ ሲኖዶስ አስተዳደር ሥር የሚገኙት አጥቢያዎች ፈቃድ ሲያወጡ የሊቀ ጳጳሱ ስም አብረው እያስመዘገቡ እንደሆነ መረጃዎች ያሳያሉ::

Friday, March 11, 2011

የዐድዋ ድል እና የኢትዮጵያ ቤተ ክርስቲያን

ይህ የደጀ ሰላም ዜና ሳነብ አንድ ነገር አስታወሰኝ:: የዛሬ ወር አካባቢ ይመስለኛል በሀገረ አሜሪካን  የሚኖሶታ ግዛት ገዢ የሆኑት ማርክ ዳዮን ሲቢሴ ከተባለው የክርስቲያን ሬድዮ ጋር ባደረጉ ቃለ ምልልስ “አሜሪካን ከክርስና ጋር ለምን ተቆራኘች? በገንዘባችን ላይ በእግዚአብሔር እናምናለን (IN GOD WE TRUST)  የሚለው ለምን አይጠፋም”? ተብለው ለተጠቁት ጥያቄ ሲመልሱ “አንድ የአሜሪካ ዜጋ ግዴታ  ይህንን ሀገር ያቀኑ አባቶቻችን (founding father) ታሪካ ማወቅ ይጠበቅበታል፤  ታሪክ ማወቅም ብቻ ሳይሆን የተከፈሉ መስዋዕትነቶችን ማክበር ይኖርበታል:: አባቶቻችን ይህንን ሀገር ያቀኑት ክርስትናን መሠረት አድርገው ነበረ፤ ስለዚህ ማንም ዜጋ ክርስቲያን እንኳ ባይሆን የአባቶቻችን (founding fathers) ታሪክ መናድ የለበትም እኛም  የአሜሪካ ሕዝብ የመረጠን የአባቶቻችን ታሪክ አክብረን እነሱም ያስቀመጡት እሴቶች(values) እድናስጠብቅ እንጂ ልናፈርስ አይደለም” በማለት መልስ ሰጥተው ነበረ:: ታድያ ይህንን ቃለ መጠይቅ ሳዳምጥ የእኛ ቤተ ክርስቲያን እና የሀገራችን ታሪክ እያሰብኩ በተመስጦ ወደ ኢትዮጵያ ሄድኩ:: እንደውም እድሉን አግኝተው  የእኛዎቹ የጊዜው ባለ ስልጣናት ይህንን ቃለ መጠየቅ ቢያደምጡት ብዬም ተመኘሁ::

Sunday, February 27, 2011

"የመጽሐፍ ሂስ ወይስ የዶሮ ኩስ" ይድረስ ለቀሲስ አስተርአየ ጽጌ

እዚህ ሀገረ አሜሪካ ውስጥ ቀሲስ አስተርአየ ጽጌ እና አባ መዓዛ በየነ “እመቤታችን ቅድስት ድንግል ማርያም የአዳም ኃጥያት ወርሳለች” የሚል አስተምህሮ እያስፋፉ ናቸው:: ሁለቱንም በኢትዮጵያ ቤተ ክርስቲያን ስም የየራሳቸው የሆነ በግል የሚያስተዳድሩት ቤተ ክርስቲያን አላቸው:: ይህንን አስተምህሮ የኢትዮጵያ ቤተ ክርስቲያን እንደማትቀበለው ሊቀ ሊቃውንት አለቃ አያሌው ታምሩ የዛሬ ስድስት አካባቢ ምላሽ ሰጥተውበት ነበር:: የእነዚህን ሰዎች አስተምህሮ በመቃወም በ2002ዓ/ም መምህር ሀብተ ማርያም ተድላ የተባሉ አንጋፋ አባት “ነጭ እንቁ በአዳም ገላ” በሚል ርእስ የመልስ መጽሐፍ ጽፈውበታል:: እንዲሁም ደግሞ ቀሲስ ደጀኔ ሽፈራው በበኩላቸው የእነዚህ ግለሰዎች አስተምህሮ የቤተ ክርስቲያናችን አስተምህሮ እንዳልሆነ በጽሑፍ ምላሽ ሰጥተውበት ነበረ:: በቅርቡ ደግሞ በቀሲስ አብረሃም ኅ/ሥላሴ “ማርያማዊ ሕገ ሃይማኖትና ተማኅጽኖ” በሚል ርእስ የአስተራየ አስተምህሮ በመቃወም መጽሐፍ ጽፈዋል:: ቀሲስ አስተራየ ጽጌ የቀሲስ አብረሃም ኅ/ሥላሴ መጽሐፍ በመቃወም 32 ገጽ ያለው ጽሑፍ “ኢትዮ ሚድያ” ድህረ ገጽ ላይ ጽፈው ነበረ:: የሚከተለው ጽሑፍ ለአስተርአየ ጽጌ ምላሽ የሚል ደርሶኛል:: መልካም ንባብ::

የመጽሐፍ ሂስ ወይስ የዶሮ ኩስ
ይድረስ ለ “ጠልሰም በዲሲ ደብተራ” ጨንቋሪ
ከደብተራ እሳቱ ቦጋለ

Thursday, February 24, 2011

መንፈሳዊ አስተዳደር መቼ ተጀመረ? ማንስ ጀመረው? ክፍል ሁለት

የኢ/ኦ/ተ/ቤ/ክርስቲያን ሐዋርያዊት በመሆኗ የቀደሙትሙት አባቶቻችን ሐዋርያት ያስቀመጡት ትውፊት ሳታፋልስ መንበሯን መንበረ ማርቆስ በማድረግ ለ1600 ዘመናት ኖራለች:: ቤተ ክርስቲያናችን ምንም እንኳ ጥንታዊት ብትሆንም በራሷ ልጆች መመራት የጀመረችው ግን ገና አንድ ምዕተ ዓመት እንኳ አልሆናትም:: ቤተ ክርስቲያናችን የምትመራበት የሥርዓት መጽሐፍት አሏት:: የመንፈሳዊም የዓለማዊውም እውቀት የነበራቸው የሃርቫርድ ዪኒቨርስቲ ተመራቂው ሊቀ ጉባኤ አባ አበራ በቀለ እና በሌሎችም ምሁራን የተረቀቀው ቃለ ዓዋዲ በ1965ዓ/ም በቅዱስ ሲኖዶስ ጸድቆ በአገልግሎት ላይ ውሎዋል:: ይህ ቤተ ክርስቲያናችን የምትመራበት ቃለ ዓዋዲ በዚህ በሰሜን አሜሪካ የምንኖር ምእመናን፤ ካህናት እንዲሁም ሰንበት ተማሪዎች በአብዛኛው ማለት ይቻላል ተግባራዊ ማድረግ አልቻልንም::  የቤተ ክርስቲያናችን አስተዳደር በተመለከተ ቃለ ዓዋዲ መሠረት በማድረግ አንዳንድ ነጥቦች እንደሚከተለ ቀርቦዋል::

Friday, February 18, 2011

መንፈሳዊ አስተዳደር መቼ ተጀመረ? ማንስ ጀመረው? ክፍል አንድ

“መንፈሳዊ አስተዳደር ከእግዚአብሔር የተግኘ፤ነገደ መላእክት የተመሩበት፤የቀደሙ አባቶች በሕገ ልቦና የተገለገሉበት፤በሕገ ኦሪትና በሕገ ወንጌል በተግባርና በፅሑፍ የተገለጠ ነው”። (የቤተ ክርስቲያን አስተዳደራዊ መዋቅር ገጽ ፩)
፩    መንፈሳዊ አስተዳደር በዓለመ መላእክት
  •   ሰማያዊውን የእግዚአብሔር ዙፋን የሚሸከሙ ኪሩቤል/ዐርባዕቱ እንስሳ/፤ መንበሩ የሚያጥኑ ሱራፌል/ሃያ ዐራቱ ካህናተ ሰማይ/ መንፈሳዊ አስተዳደር ተለይቶ ተሰጥቶአቸዋል።
  •  ኃይላት በመንፈሳዊ ሕይወት የደከሙ ክርስቲያኖችን እንዲያበረታቱ በአመላካዊ ጥበብ ታዘዋል::
  •   አርባብ(የሚጋርዱ) የእግዚአብሔርን መንበር በክንፋቸው ይሽፍናሉ::
  •   ሥልጣናት ፍጥረተ ዓለምን እንዲጠብቱ የምጽአት አዋጅ እንዲያበስሩ ተወስኖላቸዋል::
  •   የሥልጣን ተዋረድን በሚያመለክት ሁኔታ ለዘጠና ዘጠኙ ነገደ መላእክት አለቃ ተሹሞላቸዋል::  “ የእግዚአብሔር ሠራዊት አለቃ ሆኜ አሁን መጣሁ” ኢያሱ 5፤14 

Saturday, February 12, 2011

አንድ የአስተዳደር መዋቅር ለምን?

  •  በሀገረ አሜሪካን በየ ዘርፉ የተበታተኑት የኢ/ኦ/ተ/ቤ/ክ በአንድ የአስተዳደር መዋቅር ቢሰባሰቡ ጠቀሜታው ምንድ ነው? ጉዳቱስ? በአንድ መዋቅር ማስተሳሰር አንድነትን ያመጣዋልን?አንድነት ማለትስ ምን ማለት ነው?  
  •     ቤተ ክርስቲያን አንድ ብቻ የአስተዳደር መዋቅር ለምን አስፈለጋት? የቤተ ክርስቲያን የአስታዳደር መዋቅር ሃይማኖታዊ ይዘቱስ ምንድ ነው?
  •  የኢ/ኦ/ተ/ቤ/ክ በሰሜን አሜሪካን ከግማሽ ምዕተ ዓመት በላይ ዕድሜ ብታስቆጥርም እንደ ሌሎች አሐት አብያተ ክርስቲያናት ማለትም(ኮፕት፤ ህንድ፤አርመኒያ፤ሶርያ) በአሜሪካን ሀገር በፌደራል ደረጃ ህጋዊ እውቅና የላትም:: ህጋዊ እውቅናውስ ያላገኘችበት ምክንያት ምንድ ነው? ህጋዊ እውቅና ብታገኝ ጠቀሜታው ምንድ ነው? ጉዳቱስ?
  •  አሁን በተለያዩ እስቴቶች በግለሰዎች ሥም እየተገዙ(እየተሰሩ) ያሉት አጥቢያ አቢያተ ክርስቲያናት ቀጣይ ለሚረከበው ትውልድ የሚኖረው ተጽዕኖ ምንድ ነው? በኢ/ኦ/ተ/ቤ/ክ ስም(ባለቤትነት) ያልተገዙበት ምክንያትስ ምንድ ነው?
  •   አጽራረ ቤተ ክርስቲያንን ከመከላከል አንጻር በአንድ መዋቅር መሆን ጠቀሜታ ይኖረው ይሆን?
  •  የኢ/ኦ/ተ/ቤ/ክ በሰሜን አሜሪካ ሌላ የተለየ ቀኖና ያስፈልጋታልን?
  • የቤተ ክርስቲያን አስተዳደራዊ መዋቅር በአሜሪካ ማጠናከር ከኢህአዴግ(ወያኔ) ጋር ያለው ተዛምዶስ ምንድ ነው?
በእነዚህና በመሳሰሉት በቤተ ክርስቲያን የአስተዳደር መዋቅር ዙርያ የሚነሱ ጥያቄዎች አስተያየታችሁን እንድለግሱ በትህትና እጠይቃለሁ:: qedamawi@gmail.com, qedamawi@live.com
እግዚአብሔር ተዋሕዶ ሃይማኖታችን ይጠብቅልን!!!

Friday, January 21, 2011

"ዐፄ ዘርዐ ያዕቆብ እና የኢትዮጵያ ቤተ ክርስቲያን" አዲሱ ተስፋዬ

ተሐድሶ ምንድ ነው? ቤተ ክርስቲያናችን የሃይማኖት ተሐድሶ ያስፈልጋታልን? እንግዲህ ተሀድሶያውያን “በቤተ ክርስቲያኒቱ ላይ Lutheran church እንመሰርታለን” የሚል አቋም እንዳላቸው ብዙ መረጃዎች ይመሰክራሉ:: ይህ እንቅስቃሴ በቀደሙ ግዜያት በስውር እንደነበረ ይታወቃል:: አሁን ግን ዓላማዎቻቸው እና ታሪካቸውንም ጭምር አቡጊዳ  በተባለው ድህረ ገጽ በማቅረብ ላይ ናቸው:: አቶ አዲሱ ተስፋዬ የተባሉ ሰው የቤተ ክርስቲያኒቱን መሠረተ እምነት እና ታሪክ ተመርኩዘው በድህረ ገጹ ላይ ተሀድሶያውያኑ ዐፄ ዘርዐ ያዕቆብ እና ማኅበረ ቅዱሳን በተመለከተ ለሚያወጡት ጽሑፍ ምላሽ ሰጥተውበታል:: መልካም ንባብ::

Tuesday, January 11, 2011

ያለ ኤጲስ ቆጶስ ፈቃድ ቀሳውስት የባረኩት አዲስ ቤተ ክርስቲያን እውቅና ተሰጠው

ያለ ሊቀ ጳጳስ ፈቃድ ካህናት ተሰባስበው የባረኩት የቨርጂኒያው ውድ ብሪጅ "ደብረ መድኅኒት ኢየሱስና ብስራተ ገብርኤል"  ቤተ ክርስቲያን የዋሽንግተን ዲሲ ርዕሰ አድባራት ደብረ ሰላም ቅድስት ማርያም ቤተ ክርስቲያን እውቅና ተሰጥቶት ምእመናን ሄደው እንዲገለገሉበት ሰሞኑን በመድረክ እና በቤተ ክርስቲያኒቱ ሬድዮ ማስታወቂያ ተነገረ። ደብረ መድኅኒት ኢየሱስና ብስራተ ገብርኤል በማለት በካህናቱ የተሰየመው ይህ “ቤተ ክርስቲያን” የተባረከው ወይም በአካባቢው አጠራር “የተከፈተው” በሰኔ ወር 2002 ዓ.ም የበዓለ ጰራቅሊጦስ ዋዜማ ቅዳሜ ዕለት ነበረ። በውቅቱ ተገኝተው የነበሩ ካህናት ዝርዝር፦