Tuesday, July 19, 2011

አቡነ ፋኑኤል በአትላንታ ክህነት ሰጡ፤ የሀ/ስብከቱን ሊቀ ጳጳስ አላስፈቀዱም

ጵጵስና ከተሾሙበት ጊዜ ጀምሮ አወዛጋቢው ሊቀ ጳጳስስ ብፁዕ አቡነ ፋኑኤል ከህገ ቤተ ክርስቲያን ውጪ ያለ ሀገረ ስብከታቸው ክህነት መስጠቱን መቀጠላቸው በደጀ ሰላም ተዘግቦዋል:: በማን አለብኝነት ክህነት ከመስጠትም በተጨማሪ ለዋሽንግተን ዲሲ ደብረ ሰላም ቅድስት ማርያም ቤተ ክርስቲያን የመሠረት ድንጋይ ለማስቀመጥ በድርድር ላይ መሆነቸውን ከውስጥ ምንጮች እየተሰማ ነው:: እንደ ቅዱስ ፓትርያርኩ ህገ ቤተ ክርስቲያን አሽቀንጥረው በመጣል ህገ ወጥ ሹመት በርስታቸው  በዋሽንግተን ዲሲ ቅዱስ ሚካኤል ቤተ ከርስቲያን ጀምረውት ወደ ሌሎች እስቴቶች በመዘዋወር ማእረገ ክህነት በመስጠት ላይ ናቸው::  
  
ብፁዕ አቡነ ፋኑኤል
(ደጀ ሰላም፤ ጁላይ 19/2011/ TO READ IN PDF):-  የኢትዮጵያ ኦርቶዶክስ ተዋሕዶ ቤተ ክርስቲያን ሊቀ ጳጳስ የሆኑት አቡነ ፋኑኤል አትላንታ ጆርጂያ በሚገኘውና ራሱን ገለልተኛ ብሎ በሚጠራው በአትላንታ መካነ ሰላም ቅዱስ ሚካኤል ወኪዳነምህረት ቤተ ክርስቲያን ተገው ክህነት መስጠታቸውን የቤተ ክርስቲያኑ አስተዳዳሪ ቀሲስ ኤፍሬም ከበደ ጁላይ 10 ቀን 2011 በአትላንታ አካባቢ በሚተላለፈው AM 1100 የሬድዮ ጣቢያቸው በሰጡት የደስታ መግለጫ አስታውቀዋል።

አስተዳዳሪው ይህ ቀን (ጁላይ 10 ቀን 2011) ለቤተ ክርስቲያ ታላቅ የደስታ ቀን እንደሆነና ታላቅ የምራች መሆኑን ገለፀው አቡነ ፋኑኤል ለአንድ ዲያቆን የቅስና ማዕረግና ለሁለት መዘምራን የድቁና ማዕረግ መስጠታቸውን ገልፀዋል። አቡነ ፋኑኤል ያለ ሀ/ስብከታቸው ገብተው ክህነት በሚሰጡበት ወቅት ስለ ጉዳዩ ምንም ነገር እንዲያውቁ አልተነገራቸውና ፈቃድም ያልተጠየቁት የዲሲና የአካባቢ ሀገረ ስብከት ሊቀ ጳጳስ ብፁዕ አቡነ አብርሃም ሐምሌ 5 ቀን 2003 ዓ ም ተከብሮ የዋለውንና ቅዱስ  ጳውሎስ እና ቅዱስ ጴጥሮስ በሮም አደባባይ ሰማዕትነት የተቀበሉበትን ታላቅ በዓል ከመንፈስ ልጆቻቸው ጋር ለማክበር በአትላንታ መካነ ሕይወት አቡነ ገብረ መንፈስ ቅዱስ ቤተ ክርስቲያን ተገኝተው ነበር። ይህ ሕገ ቤተ ክርስቲያንን የጣሰው ድርጊት የተፈጸመው የክህነት አሰጣጥ ጉዳይ ከሀገረ ስብከቱ ሊቀ ጳጳስ እውቅና ውጭ መሆኑ ጉዳዩን በእጅጉ አሳሳቢና አጠያያቂ እንደሚያደርገው ብዙዎች ይስማማሉ።
አቡነ ፋኑኤል አሜሪካ መግባታቸው እንኳን በደንብ ባልታወቀበት ሁኔታ ከሀገረ ስብከቱ ሊቀ ጳጳስ እውቅናና ቃድ ው ወደ አትላንታ ሹልክ ብለው መጥተው ራሱን ገለልተኛ ነኝ ብሎ በሰየመ ቤተ ክርስቲያን ተገኝተው እንዲህ ይነት ከቤተ ክርስቲያን ሥርዓት ውጭ የሆነ ድርጊት መፈጸማቸው ምን ያህል ለሥርዓተ ቤተ ክርስቲያን የማይገዙ መሆናቸውን ከማሳየቱም በላይ በአዋሳ ቅ/ገብርኤል ቤተ ክርስቲያንና ሕዝበ ክርስያን ወገኖቻችን ላይ የፈጸሙትን የግፍ ተግባር በቀጣይነትም በሚመጻደቁባትና የዜግነት መብት ባገኙባት በሀገረ አሜሪካ የመቀጠል ድብቅ ዓላማ እንዳላቸው የሚያመላክት ነው ተብሏል
ወደቦታው የጠሯቸው እና ሥልጣነ ክህነቱ እንዲሰጥ ያደረጉት የአትላንታ መካነ ሰላም ቅዱስ ሚካኤል ወኪዳነምህረት ቤተ ክርስቲያን አስተዳዳሪ ቀሲስ ኤፍሬም ከዚህ በፊት ሥርዓተ ቤተ ክርስቲያን ይከበርቤተ ክርስቲያኒቷ ገንዘብ በአግባቡ ይያዝ ብለው ጽኑ አቋም ይዘው የነበሩ ምዕመናንን በፖሊስ ኃይል ከቅዳሴ በፊት ተገደው ለአንዴና ለመጨረሻ ጊዜ እንዲውጡ እንዳስደረጉም ታውቋል
ይኸው ሕገ ወጥ የክህነት አሰጣጥ በተከናወነበት ወቅት ቤተ ክርስቲያኑ  ተሃድሶ የሚባል ነገር እንደሌለና እንዳንድ ማኀበራትና የተወሰኑ ግለሰቦች የሚያናፍሱት አሉባልታ እንደሆነ በመናገራቸው የሚታወቁት መምህር ተስፋዬ መቆያ  በቦታው ተገኝተው ማስተማራቸው ታውቋል።
ሕገ ቤተ ክርስቲያንን ያልጠበቀው የክህነት አሰጣጥ እና ተያያዥ ጉዳዮቹ ለሥርዓተ ቤተ ክርስቲያ መከበርና አንድነት የሚቆረቆሩትን ሁሉ በእጅጉ የሚያሳስብ ከመሆኑም በላይ ወደፊት ተስፋ የምናደርገውን የቤተ ክርስቲያ አንድነት የከፋ አደጋ ውስጥ የሚከት ስለሆነ ይመለከተናል የምንል ሁላችን ነገሩን ልናጤነውና በጸሎት ወደ ፈጣሪ ልናሳስብ ይገባል።

4 comments:

Anonymous said...

deg aderegu!

Anonymous said...

የሀገረ ስብከቱ ሊቀጳጳስ ምንም ሳይሉ እኛ ምን ቤት ነን ገብተን የምንፈተፍተው። ሀገረ ስብከቱን ማስከበር ከማንም ቀድሞ የሊቀጳጳሱ አይደለምን? ጸሐፊው ለመሆኑ የሃገረ ስብከቱ ሊቀጳጳስ ስለመፍቀድ አለመፍቀዳቸው በምን አወቁ

Anonymous said...

It is not new. Because he is Archbishope and His grace have right to do that.

What is the new?

Anonymous said...

do you have a personal problem with Abune Fanuel? why do you guys leave this matter to Abune Abraham?