Sunday, September 18, 2011

“እውነት እንዴት ትነገር”?????

ደመላሽ ታደሰ የተባሉ ጦማሪ የሚከተለውን ጡመራ እንድንወያይበት አድርሰውናል:: እንወያይበት::

እውነት እንዴት ትነገር? የምናገራቸው እውነቶች ጎዱኝ:: በቤተ ክህነትም በቤተ መንግሥትም እውነት አርነት ታወጣኛለች ብዬ ተስፋ ባደርግም ይብሱኑ ተንገዋልዬ ወደ ጫፍ ወጥቻለሁ ::

በዚህም ምክንያት በቤተ መንግሥትም ለሀገሬና ለራሴ በቤተ ክህነትም ለምዕመኑ በትንሽዋ አቅሜ ልጠቅምና ልጠቀም እንዲሁም ላፍስ የምችለውን ሰማያዊ ፋይዳ አጣሁ::
 እውነት እንዴት ትገለፅ? ራቁትዋን ወይስ ተሸፋፍና? ወይስ ግማሽ ለብሳ? በቀጥታ ወይስ በተዘዋዋሪ ? ተኩዋኩላ ወይስ እንደወረደች? በአንድ ጊዜ ወይስ በቀስታ? በባለጉዳይ በቀጥታ ወይስ በአማላጅ? ጥሩ የምትሉት የቱ ነው?

እኔ መጠቀም እያቃተኝ አያፈተለከብኝ ከሆነስ? ጨው ለራስህ ስትል ጣፍጥ ትሉኝ ይሆን? ወይስ ለአውነት ስትል እንደ ድንጋይ ተጣል ትሉኛላችሁ? ምን አባቴ ይሻለኛል?

እኔ ራሴ መቶ በመቶ እውነተኛ ነኝ ማለት ከቶም አይቃጣኝም: ግን እውነት ስለሆኑ እያልኩ ስለምናገራቸው ነገሮች ተቸገርኩ ለማለት እንጂ: መጽሐፉ ጻድቅ የለም ስለሚል ብቻ ሳይሆን ከፉክክሩ መግባት ስለማልችል::

እባካችሁ ጊዜና ገንዘባችሁን ሠውታችሁ አስተያየት ወይም ምክር ብትለግሡኝ እኔንም የኔን አምሳያዎችም ከብዙ ችግር: እውነትንም ከመታፈን ወይም ከአፋኝነት ታድኑአታላችሁ::

አልተጋነነም ይልቁንስ በኔ በታናሹ ውስጥ የሁለቱም ቤቶች ሥርዓቶች በሠፋፊ ሆዶችና በሌሎች መጋረጃዎች ተሸፍነውባቸው ባላቸው ችሎታና ትንፋሽ ልክ እንዳይሮጡ የተገደቡ ብዙ የእናት ሀገርና የእናት ቤተ ክርስቲያን ልጆችን እያያችሁ መፍትሔ ሠንዝሩ::

ለአዲሱ ዘመን ጥሩ መመሪያ ወይም አቅጣጫ ከእናንተ እጠብቃለሁ::

እንዲያውም የምክክርና የውይይት አጀንዳ እንድናደርገው በትህትና ብለምናችሁስ አስቸግራችሁ ይሆን?! ትፈራላችሁ?...

መልካም አዲስ ዓመት!!!

1 comment:

Anonymous said...

I say truth should be revealed straight forward, on time, and complete/nacked truth.

Negotiation can't work in telling the truth.

The question is how prepared is the person to take his/her chances for the consequence of his/her action(telling the truth).
There should be a determination to take the risk like going to jail, paying fine, and even getting killed. The question should be is the person ready to go through such things? If yes go ahead tell the truth. If no, Never do that!!