Friday, November 4, 2011

አባ ሰረቀ ብርሃን ወልደ ሳሙኤል እና "አባ ሰላማ " ብሎግ

 TO READ PDF CLIK ON HERE
“አባ ሰላማ” የተሰኘው  ብሎግ የተዋሕዶ ድምጽ እዳልሆነ የአደባባይ ላይ ምስጢር ነው:: የሚያወጣቸው ጽሑፎች እዚህ ላይ እንዳናወጣቸው ዳግም ቅዱሳን መላእክትን፣ እመቤታችን ቅድስት ድንግል ማርያምን እንዲሁ ጻድቃንን መሳደብ ስለሚሆንብን አናወጣውም:: ይህ አባ ሰላማ የሰኘው ብሎግ አባ ሰረቀ ብርሃን ወልደ ሳሙኤል የቤተ ክህነቱ መረጃ እያቀበሉት ለወራት ቤተ ክርስቲያናችንን ሲያንቋሽሽ እና ሲሳደብ ሰንብቶዋል:: አሁንም ቢሆን የተዋሕዶ ሃይማኖት የምታስተምራቸው እና የምትቀበላቸው መሠረታዊ ትምህርቶችን በመንቀፍ ላይ ይገኛል:: እነ ዲ/ን በጋሻው ደሳለኝ እና አባ ሰረቀ ወልደ ሳሙኤልን እየደገፈ በተለያዩ ግዜያት ብዙ ጽሑፎችን አቅርቧል:: ነገር ግን ማኅበረ ቅዱሳንን በማውገዝ እና በመንቀፍ በተደጋጋሚ ያለመሰላቸት በመጣር ላይ ነው::

ታድያ “አባ ሰላማ” የተሰኘው ፀረ ማርያም፣ ፀረ ቅዱሳን ብሎግ በጋሻው ደሳለኝ እና አባ ሠረቀ ብርሃን ለምን ይደግፋል? ማኅበረ ቅዱሳንን ለምን ያወግዛል? እንግዲህ መልሱን ለአንባቢው ትተነዋል::

ዛሬ አባ ሰረቀ ብርሃን ወልደ ሳሙኤል በድህረ ገጻቸው ላይ “አሐቲ ተዋሕዶ” ከአባ ሰላማ ብሎግ ጋር በመደመር ክስ አቅርበዋል:: አባ ሰላማ ብሎግ ከአሐቲ ተዋሕዶ ጋር ምንም የሃይማኖትም ሆነ የዓላማ አንድነት የለንም:: ነገር ግን አባ ሰላማ ብለግ እና አባ ሰረቀ ብርሃን ወልደ ሳሙኤል የዓላማ አንድነት እንዳላቸው ብዙ መረጃዎች አሉ:: የዓላማ አንድነት ባይኖራቸው ኖሮ የቤተ ክህነቱን መረጃዎች እስካን እያደረጉ ለአባ ሰላማ አይልኩላቸውም ነበር::

አባ ሰረቀ ብርሃን ከአባ ሰላማ ጋር ግኑኝነት እንደሌላቸው በማስመሰል በድህረ ገጻቸው ከእኛ ጋር በማዳበል አብረው ከሰውታል:: ነገረ ግን እኛ አንሰማቸውም፤ ምክንያቱን አባ ሰረቀ እና አባ ሰላማ የጠበቀ ግኑኝነት እንዳላቸው በቂ መረጃ አለን::

No comments: