Tuesday, March 6, 2012

በቤተ ክርስቲያናችን ላይ እየተደረገው ያለውን በደል ለመቃወም የተጠራ ሕዝባዊ የአቤቶታ ሰላማዊ ሰልፍ በዋሽንግተን ዲሲ

 READ IN PDF
ከቅርብ ዓመታት ወዲህ ቤተ ክርስቲያናችን ቀድሞ የነበራት ክብር እያጣች የዘመኑ ተሿሚዎች ከጠቅላ ቤተ ክህነቱ እና ከቤተ መንግስቱ በደል እየደረሰባት መሆኑ የአደባባይ ላይ ሚስጥር እየሆነ ነው:: በዚህ የተማረሩ የቤተ ክርስቲያኒቷ አማኞች በደሉ በቃን፣ የቤተ ክርስቲናችን የቀደመ ክብሯ ይመለስ፣ መንግስት ከቤተ ክርስቲያናችን ላይ እጁን ያንሳ፣ ጠቅላይ ቤተ ክህነት የቤተ ክርስቲያናችን መብት ያስጠብቅ በማለት ሕዝባዊ ሰልፍ በዋሽንግተን ዲሲ እና በመላው ዓለም ታላላቅ ከተሞች ላይ ተጠርቶዋል::




የሕዝባዊ ሰልፉ ዓላማ በአዘጋጆቹ እንደሚከተለው ቀርቦዋል:-


  •  የኢትዮጵያ መንግስት በልማት ሰበብ በዋልድባ ገዳም የሚያደርሰውን ኢ-ሰብዓዊ ድርጊት ባስቸኳይ እንዲያቆም ለመጠየቅ
  •  በተለያዩ የሀገራችን ክፍሎች የቤተ ክርስቲያን ታሪክ እና የሀገርን ቅርስ ለማጥፋት እና ለማውደም የሚሯሯጡትን የውጪ ቅጥረኞች  መንግስት፣ እንደ መንግስትነቱ ሊከታተል እና ለፍርድ እንዲያበቃ ለመጠየቅ
  • በተለያዩ የኢትዮጵያ ገዳማት፣ አድባራት፣ ቤተ-እምነቶቻችን ላይ በተለይ በአክራሪ ሙስሊሞች እየደረሰ ያለውን እንግልት፣ ጠባጫሪነት፣ ስደት፣ እና የሰው ነፍስ የማጥፋት ዘመቻ እንዲያስቆም እና ፍትህ እንዲሰፍን ለመጠቆም
  •  በጠቅላይ ቤተ ክህነት ውስጥ ተንሰራፍቶ ስላለው የሙስና፣ የዘመድተኝነት፣ እና የተንኮል ሥራዎችን እንዲያስቆም እና አስፈላጊውን ምርመራ አድርጎ፣ ወንጀለኞችን ለፍርድ እንዲያቀርቡ
የሚሉ ናቸው::   

ይህንን ዓላማ የሚደግፉ የቤተ ክርስቲያኒቱ ዓማኞች እና ለኢትዮጵያ ኦርቶዶክስ ተዋሕዶ ቤተ ክርስቲያን መብት እንዲጠበቅ የሚደግፉ ሁሉ ሰልፉ በሚደረግባቸው ከተማዎች እንዲገኙ አዘጋጆቹ ጋብዘዋል::

እግዚአብሔር አሐቲ ተዋሕዶ ሃይማኖታችንን ይጠብቅልን!!!

2 comments:

Anonymous said...

አዬ ፡ የኢሕአዴግ መንግስት ምንም ሰላማዊ ሰልፍ የማይገባው ደደብ እኮ ነው
የባሰ በእልህ ዋልድባን……….. እግዚአብሔርን የማይፈራ መንግስት …..
ሃይማኖት የማያከብር…. አሁን ያለው የ ኢትዮጵያ መንግስት ነው። አርፋችሁ ተቀመጡ። ሕዝብን ማዋረድ ስራው ስለሆነ አታናድዱት።

Anonymous said...

these days unity & strength with establishing many christian associations are very important.please do it now!`wode fetena sanigeba`i.e during day time.