Wednesday, March 21, 2012

በሰሜን አሜሪካን በወቅታዊው የቤተ ክርስቲያን ጉዳይ ላይ ለመወያየት ለሁለተኛ ግዜ አስቸኳይ ስብሰባ ተካሄደ

  •  “ጠቅላይ ቤተ ክህነት ጩኸታችን ባይሰማንም ከመጮህ ወደ ኋላ አንልም” የስብሰባው አስተባባሪ
ዛሬ በ03/20/2012 ዓ/ም በዋሽንግተን ዲሲ ሰዓት አቆጣጠር 10pm በመላው አሜሪካን ግዛት የሚገኙት የቤተ ክርስቲያን ልጆች ለሁለተኛ ግዜ አስቸኳይ ስብሰባ በስልክ ኮንፈረንስ አካሄዶዋል:: የስብሰባው አጀንዳ በወቅቱ በቤተ ክርስቲያናችን እየተካሄደ ያለው ሰው ሰራሽ እና ተፈጥሮአዊ አደጋ ለመታደግ “እኛ ምን እናድርግ” የሚል ነበረ:: በስብሰባው አስተባባሪዎች እንደተገለጸው በተለያዩ ጥንታውያን ገዳማት ላይ እየደረሰ ያለው የእሳት ቃጠሎ ምክንያት እንዲታወቅ እና ለወደፊትም አደጋው እንዳይከሰት መከላከል የሚቻልበት ሁኔታ እንዲፈጠር ማድረግ ነው::
 
ይህ በአጽራረ ቤተ ክርስቲያን እና በተባባሪዎቻቸው እየደረሰ ያለው አደጋ ለመከላከል የቤተ ክርስቲያኒቱ ልጆች በአንድነት እንዲሰለፉ በስብሰባው የተሳተፉ አስተያየት ሰጪዎች ተናግረዋል:: ቤተ ክርስቲያናች እውነተኛ ተቆሪቋሪ መሪ እስክታገኝ ድረስ እያንዳንዱ የእምነቱ ተከታይ መሪ ሆኖ ቤተ ክርስቲያን በወቅቱ ከገጠማት ፈተና እንድንታደጋት የስብሰባው አስተባባሪዎች አደራቸውን አስተላልፈዋል::
 በዚህ ስብሰባ መጀመርያ መግቢያ ላይ አክራሪ እስልምና እያደረሱት ያለው ጥፋት ጥናታዊ ጽሑፍ ቀርቦ ነበረ:: የአክራሪ እስልም ቡድን ኢትዮጵያን ለማስለም ከያዙት እቅድ ጥንታውያን ገዳማት ማጥፋት እንደሆነ በጥናታዊ ጽሑፉ ተገልጾዋል:: ይህ የአክራሪ እስልምና እቅድ እውነት ሆኖ በዚህ ወቅት ላይ ጥንታውያን ገዳማት ምክንያቱን ባልታወቀ ሁኔታ በእሳት እየጋዩ ናቸው::

ከዝቋላ ገዳም ደን ቃጠሎ በተጨማሪ ጥንታዊ የዋልድባ ገዳም ችግር እስካሁን ድረስ እንዳልተፈታ ነው:: በአጠቃላይ የወቅቱን የቤተ ክርስቲያናችን ችግር መንሥኤ የሆነው ይህ ስብሰባ ተሳታፊዎችም በቁጭት የሚችሉትን ሁሉ እንደሚያደርዱ ቃል ገብተዋል:: 
 
የጉዳዩን ባለቤት የሆነው ጠቅላይ ቤተ ክህነት የገዳማውያንን ጩኸት የማይሰማ ከሆነ እኛም በያለንበት ቦታ ሆነን የአባቶቻችን የገዳማውያን ጩኸት ለማገዝ እንጮሃለን በማለት ተሰብሳቢዎች በሙሉ ድምጽ ወስነዋል:: በስብሰባው ላይ 250 ሰው እንደተሳተፉ ከአስተባባሪዎች ተገልጾዋል:: ዘላቂ መብፍትሄ እስከሚገኝ ድረሰ እንደዚህ አይነት ስብሰባዎች እንደሚቀጥሉም ተወስኖዋል::
 
በመጨረሻም በስብሰባው ማጠቃለያ እንደተነገረው በእሳት እየወደመ ላለው ለዝቋላ ገዳም  ተብሎ አዲስ የባንክ አካውንት ተከፍቶዋል::የባንኩ አካውንት በማኅበረ ቅዱሳን የሰሜን አሜሪካን ማዕከል ድረ ገጽ   http://zekuala.mahiberekidusan.org/  ላይ እንደሚገኝ ተገልጾዋል::
               እግዚአብሔር አሐቲ ተዋሕዶ ሃይማኖታችንን ይጠብቅልን!!!

No comments: