Monday, March 19, 2012

የዝቋላ ገዳም ደን ቃጠሎ ማምሻውን በቁጥጥር ስር መዋሉን የኢትዮጵያ ቴሌቭዥን ገለጸ

 READ IN PDF
ለሁለተ ተከታታይ ቀናት እየተቃጠለ የሚገኘው የዝቋላ ገዳም ደን በቁጥጥ ስር እንደዋለ የመንግስት መገናኛ ብዙኃን( ሚድያ) ማምሻውን ገልጾዋል:: ከጉዳዩ ባለቤት ከጠቅላይ ቤተ ክህነት ግን ምንም የተባለ ነገር የለም:: ያው እንደሚታወቀው ጠቅላይ ቤተ ክህነት አለቆቻቸው የመንግስት ባለ ስልጣናት እስኪተነፍሱ ድረስ እየጠበቁ ናቸው::

ኢትዮጵያ ውስጥ ብቸኛው በመንግስ ቁጥጥር ስር የሚገኙት የመገናኛ ብዙኃን የኢትዮጵያ ሬድዮ እና ቴሌቭዢን ናቸው:: በ21 አንደኛው መቶ ክፍለ ዘመን ሃምሳ ሚሊዮን አባላታ ያላት የኢትዮጵያ ቤተ ክርስቲያን ግን ድምጿን ለልጆቿ የምታሰማበት ምንም አይነት የተጠናከረ የመገናኛ ብዙኃን(ሚድያ) የላትም::

ዛሬ ማምሻው በመላው ኢትዮጵያ የፌስ ቡክ አገልግሎት ሙሉ በሙሉ ተቋርጦዋል:: ገዳማቱ በእሳት ሲወድሙ እና ሌላ አደጋ ሲደርስባቸው መረጃ የመለዋወጫ መንገድ ፌስ ቡክ ብቻ ነበረ:: ዛሬ እሱንም ቆረጡት::

በሁለት ወራት ጊዜ ውስጥ ብቻ አራት ታላላቅ የገዳማት ይዞታዎች ምክንያቱን ባልታወቀ ሁኔታ በእሳት ጋይተዋል:: አንዱ ታላቁ ገዳም ደግሞ በፈርጣማው መንግስታችን በመታረስ ላይ ይገኛል:: ታድያ ይህ ጥፋት በእኛ ዘመን ላይ ሲከሰት በዝምታ ማለፋችን ከታሪክ ተወቃሽነት የምንድን አይመስለንም:: ዝምታችንስ እስከ ምን ድረስ ነው? ይህ እያንዳዳችን የቤተ ክርስቲያኒቱ ልጆች መመለስ ያለብን ጥያቄ ነው:: ማኅበራቱ ለምሳሌ ማኅበረ ቅዱሳን ቢሆኑ ቃጠሎ ከደረሰ በኋላ ለማጥፋት ተገኛተዋል ብሎ ዜና ከመዘገብ ይልቅ የመፍትሄ አቅጣጫ ቢሰጡ መልካም ነው::

ቅዱስ ፓትርያርኩ ለሽርሽር ወይም የታዋቂ ሰዎች ቀብር ሥነ ስርዓት ላይ ለመገኘት ከሀገረ ሲወጡ እስከ ሦስት መቶ ሺህ (300000) ብር በአንድ ጉዞ ብቻ ያወጣሉ:: በሁለት ጉዞ ደግሞ እስከ ስድስት መቶ ሺህ (600000) ብር ወጪ ያወጣሉ ማለት ነው:: ይህ የመሸራሸርያ  ገቢ የሚያገኙት ከየገዳማቱ የሚሰበስቡት ነው:: ታድያ እነዚህን ገዳማት በአሉበት ተጠብቀው እንዲቁዩ እና ለትውልድ እንዲተላለፉ ለጥበቃ የሚሆን በጀት “ምን ያህል ገንዘብ ተመድቦላቸዋል”? መልሱ ምንም ነው:: ይህ ታድያ እስከ መቼ?

መንግስት ለቱሪዝም በየ ዓመቱ ከሚሰበስበው ገቢ 90% ከኢትዮጵያ ቤተ ክርስቲያን ጋር የተጋናኙ ናቸው:: መንግስት በሚሊዮን የሚቆጠር ገቢ የሚያስገኙለት የቱሪስት መናኸሪያ ገዳማት ተጠብቀው ለትውልድ እንዲተላለፉ “ምን ያህል በጀት ይመድባል”? አሁንም መልሱ ምንም ነው:: ታድያ ዝምታችን እስከ ምን ድረስ ነው?

ዝምታችን ሁሉንም ገዳማት እስኪቃጠሉ ድረስ ይሆን? እንግዲህ መልሱን ለአንባብያን እንተወዋለን::

ቤተ ክርስቲያናችን ክብርሯን እና ነጻነቷን የሚያስመልስላት አባት እስኪሰጣት ድረስ በተሰጠን ጸጋ ሁሉ በሙሉ ኃይል መታገል አለብን ብላ አሐቲ ተዋሕዶ ታምናለች:: ነጻነት የተገኘባት ቤተ ክርስቲያን በዘመኑ ሄሮድሶች እጅ በባርነት ወድቃለች:: ስለዚህ ከዚህ በኋላ ትግላችን ቤተ ክርስቲያናችን ነጻነቷን እስክታገኝ ድረስ መሆን እንዳለበ አሐቲ ተዋሕዶ አደራ ትላለች::

እግዚአብሔር አሐቲ ተዋሕዶ ሃይማኖታችንን ይጠብቅልን!!!

1 comment:

Anonymous said...

amlaka hoy temsgen embatachen ke mechawem belya redatenetshen ena meljashen enlemenalen