Tuesday, May 15, 2012

በሕገወጦች በጨለማ የተዘጋጀው ደብዳቤ ተበተነ፡፡

 ከማኅበረ ቅዱሳን ድረ ገጽ የተወሰደ ዘገባ ነው::
ከጥቂት ቀናት በፊት ማኅበረ ቅዱሳን ለጠቅላይ ቤተ ክህነት ማእከላዊ አስተዳደር ተገዥ ካለመሆን አልፎ የተቋሙን ሕልውና ወደ መፈታተን እንደ ደረሰ በማተት የሚከስ ደብዳቤ ለሕግ ተገዢ ባልሆኑ ግለሰቦች በጨለማ ተረቅቆ በመምሪያው ሓላፊ እንዲፈረም ተደርጎ ሊወጣ እንደ ነበር፤ ነገር ግን በመምሪያው ሓላፊው በቆሞስ መልአከ ጽዮን አባ ኅሩይ መታገዱን ገልጸን ነበር፡፡ ከዚያ በኋላ እስከ አሁን ምክንያቱ ግልጽ ባልሆነ ሁኔታ “ፍጹም ሕገ ወጥ ድርጊት በሕጋዊዋና በእውነተኛዋ ቤተ ክርስቲያን መፈጸም የለበትም፤ ይቁም” ያሉትን የመመሪያ ሓላፊ አስተዳደሩ ከቦታቸው አንሥቷል፡፡ በምትካቸውም ከግብረ አበሮቻቸው ጋር በመሆን ደብዳቤውን በወቅቱ በተገለጠው ሁኔታ በማርቀቅ፣ እንዲፈረምና እንዲሠራጭ የሞት ሽረት ትግል ሲያደርጉ ከነበሩት ግለሰቦች አንዱ የሆኑትን መምህር ዕንቊ ባሕርይ ተከሥተን ሾሟል፡፡
ቆሞስ አባ ኅሩይ በመምሪያ ሓላፊነት ተመድበው ቦታውን ከያዙበት ጊዜ ጀምሮ በማኅበሩ መስተካከል አለባቸው በሚሏቸው ጉዳዮች ላይ ሁሉ የማኅበሩን አመራር አካላት እየሰበሰቡ መመሪያ ሲሰጡ፣ ማኅበሩም መመሪያዎችን እየተቀበለ ወደ ተግባር ሲለውጥ ቆይቷል፡፡ ቆሞስ አባ ኅሩይ ደብዳቤ በማርቀቅ ከጠቅላይ ቤተ ክህነት ልዩ ልዩ ክፍሎች አልፎ እስከ ብሔራዊ መረጃና ደኅንነት አገልግሎት ፌደራል ፖሊስ ኮሚሽን በሚደርስ ሁኔታ በማብረር የማያምኑ ውይይት ተኮር ዘመናዊ የአመራር ዘዴን የሚከተሉ በመሆናቸው ማኅበሩ መመሪያቸውን ሁሉ እየተቀበለ በማገልገል ላይ ነበር፡፡ ማኅበሩ የሚፈልገው በመጠነ ሰፊ ችግሮች ውስጥ ባለች ቤተ ክርስቲያን ሠርቶ የሚያሠራው ነውና፡፡


የመምሪያ ሓላፊው ቆሞስ አባ ኅሩይ ባላጠፉት ጥፋት ተከሰው ከቦታው መነሣታቸውን በመቃወም ለችግሩ መፍትሔ እንዲሰጥ ማኅበሩ ለቅዱስ ሲኖዶስ ጽ/ቤት ደብዳቤ ጽፏል፡፡ ጉዳዩም በቅዱስ ሲኖዶስ በአጀንዳነት ተይዟል፡፡
maderaja memreya letter
ማኅበሩ ለጻፈው ደብዳቤ ምላሽ በሚጠብቅበት በአሁኑ ወቅት፤ በመምሪያ ሓላፊነት የተመደቡት መምህር ዕንቊ ባሕርይ ተከሥተ ለረጅም ዓመታት የታገሉለትን ማኅበሩን የማደናቀፍ እኲይ ተግባር የሚያረጋግጡላቸውን ደብዳቤዎች ማብረር ጀምረዋል፡፡ በትላንትናው ዕለት ካበረሯቸው ደብዳቤዎች አንዱ ለቆሞስ አባ ኅሩይ መነሣት ምክንያት የሆነውንና ራሳቸው መምህር ዕንቊ ባሕርይ ከመሰል ግብረ አበሮቻቸው ጋር ሆነው አርቅቀው እንዲፈረምና እንዲበር የተሯሯጡለት ደብዳቤ ነው፡፡

የማኅበሩ አመራር በደብዳቤው ይዘትና በመምሪያችን እየተፈጠረ ስላለው የተጠናና ቤተ ክርስቲያኗን የማዳከም እንቅስቃሴ ላይ ውይይት በማድረግ ላይ ይገኛል፡፡ ጉዳዩን አስመልክቶ ለቅዱስ ሲኖዶስ ያቀረበውን አቤቱታ መልስ ይጠብቃል፡፡ በሒደቱ የሚፈጠሩትን ማናቸውንም ክስተቶች እየተከታተለ ለምእመናን ይፋ ያደርጋል፡፡
mk letter to synodos
የማኅበሩ አባላትም ሆኑ ምእመናን ዛሬ በማኅበራችን ላይ እየደረሰ ያለው ችግር በእናት ቤተ ክርስቲያን ላይ እየደረሰ ካለው ጋር ሲነጻጸር እዚህ ግባ የማይባል በመሆኑ አገልግሎታችንን በተለመደው ሁኔታ አጠናክረን እንድንቀጥል እናሳስባለን፡፡

2 comments:

Anonymous said...

የ ሰው ልጅ በምድር ሲኖር ብዙ ፈተና አለበት ፈተናውን ለማለፍ ብዝ ውጣ ውረድ ይጠይቃል በተለይ ደሞ በክርስትና ሕይወት ፈተናን አልፎ መገኘት ግን ውስጥ ጣፋጭ ነው ስለዚህ ፈተናን አትፍሩ ካልተፈተኑ ውጤቱ አይታወቅምና
በመልካም ሥራ መከራ መቀበልም ታላቅነት ነው በክፉ ሥራ መከራን መቀበል ግን ውድቀትን ያስከትላል ሰማያዊ ዋጋንም ያሳጣል ማሐበራችሁን ድሮም በስም አውቀዋለሁ በመልካም አሁን ግን ጥሩ ነገር አይሰማም፤፤
ይሄን የምላችሁ ብዝ ስለናንተ መጥፎነት ሲዋረ እሰማለሁ የሚወራውን ሆናችሁ አለመገኘት ነው ዋናው ነገረ እንጂ ዲያቢሎስማ ሌላ ምን ሥራ አለው ከወሬ በቀር
አምላካችን መዳኒታችን እየሱስ ክርስቶስ ስለናንተ ክፉ ቢያውሩባችሁ ደስ ¨በላችሁ ዋጋ አላችሁ አይደል ያለው፤መልካሙን በደስታ አንዳሰለፋችሁት መከራውንም በትእግስት አሳልፋት፤፤
እውነት ትመነምናለች አንጂ አትጠፋም በዘመናችን ብዙ የተዋረባችው ወደቁ አበቃላቸው የተበሉ ሳዎች ነበሩ አግዚአብሔር ግን ታመኝ አገልጋዩችን ያውቃልና ያንን ወሬ አስወግዶ አይተነዋል ምክንያቱም የተወራውን ሆነው ስላልተገኙ ስለዘህ ከእናንተ የሚጠበቀው ሆኖ አለመገኘት ብቻ ነው፤፤
ሁሉም ያልፋልና፡፡እግዚአብሐር ካልጣለ ሰው አይጥልምና ስው የጣልውን እግዚአብሔር ያነሰልና እግዚአብሔር የጣለውን ማንያነሳዋል ስለዚህ እግዚአብሔር በሰጣችሁ አገልግሎት በፍቅር ባታማኝነት በቅንነት አገልግሉ፤ምክንያቱም መንፈሳዊ አገልግሎት በበዛ ቁጥር የዲየብሎስ ውጊያ ይበዛል ፈተናን ፈረቶ የሚመለስ አይኑር የተመለሱ ቢኖሩ አይድነቃችሁ የወደቁትን
አይተዋልና እናንተ ግን የፀኑት እዩ ነው የተበለው ስለዚህ ፅኑ ፅናቱን ይስጣችሁ
ወላዲት አምላክ አትለያችሁ
ለመሐበረ/ቅዱሳን

hm/hm said...

እስቲ ወደ ደብዳቤው ጫፍ ላይ ወዳለው ሄዲንግ ተመልከቱ፡፡ ወጪ የሆነው እኮ ለማህበረ ቅዱሳን ሳይሆን ለማቅበረ ቅዱሳን ነው፡፡ “ማቅበረ ቅዱሳን” የሚባል ማህበር በቤተክርስቲያናችን አለ እንዴ? ወይስ “ማቅ” የሚል ስም ተሀድሶዎቹ ለማህበረ ቅዱሳን እንደሰጡት እነዚህም ሰዎች ተሀድሶ ፕሮቴስታንት መሆናቸውን አፋቸውን ከፍቶ ፊታቸውን ፀፍቶ እያናገራቸው ነው? ነው ዌስ የነቶሎቶሎ ቤት ሆኖባቸው ነው:: አጥፊዎች መቼም የሚያደርጉትን አያውቁምና የሚታቸው ማጥፋታቸው እንጂ መጥፋታቸው አይደለም፡፡