Friday, March 22, 2013

“የማልስማማባቸው የዲያቆን ዳንኤል ክብረት ሃይማኖታዊ ትንታኔዎች” አዲስ

 READ IN PDF
ለዚህ ጽሁፍ መነሻ የሆነኝ ዲያቆን ዳንኤል ክብረት የወቅቱ የቤተክርስቲያን ጉዳይን በሚመለከት ከላይፍ መጽሄት የመጋቢት ወር እትም ቁጥር 102 ጋር ያደረገውን ቃለ ምልልስ ነው:: ቃለ ምልልሱን በመጀመርያ ያነበብኩት አንድ አድርገን የተባለ ብሎግ ካወጣው በኋላ ነበር:: ጋዜጠኛው ያነሳቸውን ጥያቄዎች በቤተ መንግስትና ቤተ ክህነት ላይ ያተኮሩ ነበሩ:: የቀድሞው ፓትርያርክ የአቶ ታምራት ላይኔ እና የአዲሱ ፓትርያርክ አቡነ ማቲያስንም ጉዳይ ተነስቷል:: የዲያቆን ዳንኤልን መልስ ግን ለኔ አስገራሚ ነበር:: የሰጣቸው በርካታ ምላሾች ሊዋጡልኝ አልቻሉም:: በአንዳንዶቹ አስተያየቶቹ ደግሞ ፈጽሞ አልስማማም:: ጥቂቶቹን በሦስቱ ፓትርያርኮች ዙርያ ላንሳ፦

ፓትርያርክ ጳውሎስ
የላይፍ ጋዜጠኛ ÷ ከአቡነ ጳውሎስ ንብረት ጋር በተያያዘ ላቀረበለት ጥያቄ ዲያቆን ዳንኤል የሰጠው መልስ እንዲህ የሚል ነበር::
"ንብረት በመያዝና በማስቀመጥ ረገድ እሰከ አሁን ብዙ ያልተሰማባቸው አባት አቡነ ጳውሎስ ናቸው፡፡
ምናልባት ዘመዶቻቸው ረድተው ይሆናል ካልተባለ በቀር ብዙ ንብረት የላቸውም፡፡"


እውነት ግን አቡነ ጳውሎስ ንብረት በመያዝና በማስቀመጥ ብዙ አልተሰማባቸውምን? ፓትርያርኩ አሁን ወደ እውነተኛው ቦታ ሄደዋል:: ለበጎም ለክፉም ስራቸው ዋጋቸውን ከፈጣሪ ያገኛሉ:: ነፍሳቸውን ይማራቸው:: ግን በዚህ ምድር ትተው ያለፉት ታሪክ ነውና እሳቸው ቢያልፉም ታሪካቸው ይወሳል:: እንደ እኔ ምልከታ ከሆነ ከኢትዮጵያ ፓትርያርኮች እንደ አቡነ ጳውሎስ በዚህ ጉዳይ የተወቀሰና ስሙ የተነሳ የለም:: የቤተ ክህነቱ ሰራተኞችም÷ የግል ፕሬሶችም ይሄንን ጉዳይ ደጋግመው አንስተውታል:: እጅግ ከበዙት የፕሬስ ምስክርነቶች ጥቂቶቹን ልጥቀስ:: መብሩክ የተባለው ጋዜጣ በመስከረም 22/ 1990 ዓመት እትሙ " ፓትርያርክ ጳውሎስ በምስጢር ከቤተ ክህነት ወጥቶ በኒውዮርክ ባንክ ሶስት መቶሺህ ዶላር እንዲቀመጥ ያዘዙበትን ሰነድ ተገኘ " በማለት ያስነበበ ሲሆን ሰነዱንም ጋዜጣው ላይ አብሮ አትሞታል:: ይሄው ጋዜጣ በወቅቱ ያስነበበው ዜናውን ብቻ ሳይሆን መረጃውንም ጭምር በመሆኑ የበርካታ ዜጎች መወያያ ሆኖ ነበር:: ሐዋርያ የተባለው ሌላው የግል ጋዜጣ ( በቅጽ ሶስት ቁጥር 4 ህዳር 9/1990 እትሙ ) አቡነ ጳውሎስ ላይ ከፍተኛ ተቃውሞ እንደተነሳና ፓትርያርኩም በምስጢር ገንዘብ ሲያስቀምጡ በምስጢር እንደተደረሰባቸው በመረጃ የተደገፈ ሀተታ አቅርቦ ነበር:: ዘጋቢ የተባለውም የግል ፕሬስ በአንደኛ አመት እትሙ ቁጥር 33/ጥቅምት 1/1990 ባወጣው ዜና ፓትርያርኩ ልዩ ቪላ እንዳሰሩና ቪላቸውንም በሺዎች በሚቆጠር ብር በወር ኪራይ ማኮናተራቸውን ዘግቧል:: የቅዱስ ሲኖዶስ አባላት የሆኑት ጳጳሳትም በተለያየ የግል ጋዜጦች ላይ አቡነ ጳውሎስን በዚህ ጉዳይ እየወቀሱ መግለጫ ሰጥተዋል:: በተለይም አቡነ ገብርኤል መብሩክ የተባለ የግል ጋዜጣ ላይ (መብሩክ ሁለተኛ ዓመት ቁጥር 52/104 ሐሙስ መስከረም 22ቀን /1990 ) የጻፉ ግልጽ ደብዳቤ ላይ እንዳስቀመጡት ፖትርያርኩ ምን ያህል ንብረትን በማጋበስና አላግባብ ለቅንጦት በመርጨት የተወቀሱ እንደሆነ ተንትነው አስረድተዋል:: በቅርቡም ደጀ ሰላም የተባለው ብሎግ የአቡነ ጳውሎስን እረፍት ተከትሎ ባስነበበው ዘገባ
ፓትርያርክ ጳውሎስ በተለያዩ ዘመዶቻቸው ስም ባስቀመጡት በአንድ የመንግሥታዊው ባንክ ቅርንጫፍ ሦስት አካውንቶች ውስጥ ከ22 ሚልዮን ብር በላይ እንደሚገኝ በይፋ ጠቁሟል::   ኢትዮጵያን ሪቪው የተባለው ድረ ገጽም ከቤተ ክህነቱ ስልሳ ሚልዮን ብር እንደተዘረፈና ይሄም በፓትርያርኩ ዙርያ እንደሆነ ÷ መረጃውንም ያገኘው ከቅዱስ ሲኖዶስ አባል መሆኑንን በይፋ በመግለጽ ለህዝብ አስነብቧል  ::ፓትርያርኩም በቤተ ክህነት ሓላፊዎችና ሰራተኞች ዘንድም የሚታወሱበት አንዱ ሌጋሲ ይሄው እንደሆነ ደጀ ሰላም የተባለው ብሎግ የቤተ ክሀነት ምንጮችን በመጥቀስ እንዲህ ሲል ነበር ያስነበበው “የሰውዬው [አባ ጳውሎስ] መታወሻቸው (legacy) አውዳሚነታቸው ነው፤ እርሳቸውም እኛም እየበላን ያለነው ቀደምት ፓትርያርኮች ያስቀመጡትን ሀብት ነው:" በማለት በቤተ ክህነቱ ሰዎች ዘነድ ክፉኛ እንደሚወቀሱ አስታውሷል::

የሚገርመው ጉዳይ ዲያቆን ዳንኤል ፓትርያርኩ የሞቱ ሰሞን ባወጣው ጽሁፍ ላይ እንደማሳሰቢያ ያስቀመጠው ነገር አንዱ የፓትርያርኩን ሀብት በተመለከት ነበር:: "ማንኛውም የፓትርያርኩ ንብረቶች ወደ ሌሎች ከመጓዛቸው በፊት በጥብቅ ይቀመጡ፡፡ የባንክ ሂሳቦች ይዘጉ፡፡...ሀብት እና ቅርስን የማሸሽ አዝማሚያ እንዳይከሰት"
ፓትርያርኩ የግል ሀብት ከሌላቸው ይሄንን ማለቱ ለምን አስፈለገ ይሆን?

"ፓትርያርክ ጳውሎስ ንብረት በማስቀመጥና በመያዝ ብዙ አልተሰማባቸውም" የሚለው የዲያቆን ዳንኤል አስተያየት ብዙም የሚያሳምን አይሆንም:: እንዲያውም "ፓትያርኩ ሀብት የላቸውም አላካበቱም" የሚለው አስተያየት የፓትርያርኩን ሀብት የግላቸው ለማድረግ ለሚፈልጉ አካላት ካሉ ለነሱ ከለላ መስጠት እንዳይሆን እፈራለሁ::ይልቁኑስ ፓትርያርኩ የግል ንበረት አላካባቱም የሚለውን የማያሳምን ሙግት ትተን ÷ የፓትርያርኩ ሀብት የቤተ ክርስትያን ሀብት÷ ከቤተ ክርስትያን የተወሰደ ነውና ያ ሀብት ወደ ቤተ ክርስትያኒቱ ካዝና የሚገባበትን መፍትሄ መጠቆም የሚሻል ይሆናል::

ፓትርያርክ ማቲያስ

የላይፍ ጋዜጠኛ ለዲያቆን ዳንኤል ክብረት ያቀረበለት ጥያቄ ዜግነትን በተመለከተ ነበር::ጥያቄና መልሱ ይሄን ይመስላል::
ላይፍ፡- አቡኑ መለስኩ ማለታቸው በራሱ ኢትዮጵያዊነትን በመተው የአሜሪካ ዜግነት ለማግኝታቸው ማረጋገጫ ነው፡፡ ከዚህ በመነሳት አቡኑ ላይ ትችት ለሚሰነዝሩ ወገኖች ነገሩ በር አይከፍትም?
ዲ/ን ዳንኤል፡- "ሰማያዊና ምድራዊ ዜግነት ይለያያል፡፡ ለቤተክርስቲያን መሪነት የሚያስፈልገው መንፈሳዊነት ነው፡፡ በግሌ ዜግነቱ ምንም ቢሆን ልዩነት አይፈጥርም፡፡ በጣም ብዙ አባቶች በፖለቲካም ይሆን በኢኮኖሚ ጫና ወደ አሜሪካ ሄደዋል ፤ እነዚህ አባቶች በዚያ የተሻለ ነገር ለማግኝት ሲሉ በሁኔታዎች አስገዳችነት ዜግነታቸውን ይቀይራሉ፡፡ እንዲህ መሆኑ በቤተ ክርስቲያኒቱ እስከ አሁን ድረስ  እንደ ችግር አልታየም"፡፡

እንደ እኔ ይሄም የዲያቆን ዳንኤል መልስ ችግር ያለበት ነው:: አደገኛ አስተያየትም ነው:: አሜሪካን ለውጭ ዜጎች በሯ ክፍት ነው:: በፖለቲካም ሆነ በኢኮኖሚ የተሰደዱ በሺዎች የሚቆጠሩ ሰዎች በየዓመቱ አሜሪካን ይገባሉ:: የፖለቲካና የሃይማኖት ጭቆና ደረሰብን ብለው ያመለክቱ ስደተኞች ጉዳያቸውን asylum case officer ዘንድ በማቅረብ ጥገኝነት ያገኛሉ:: ህጋዊ ሆነው እሰከተገኙ ድረስ የስራ ፈቃድም ( work permit) ሆነ የቋሚ መኖርያ ፍቃድ( green card) አይከለከሉም::በዲቪም አሜሪካ የመጣው በትዳርም አሜሪካ የገባው ጥገኝነትም የጠየቀው ወዘተ ህጋዊና ሰላማዊ እስከሆኑ ድረስ ጊዜያቸውን ጠብቀው ግሪን ካርድ ያገኛሉ:: አንዴ ግሪን ካርድ ካገኙ መማር ÷ መስራት÷ቤት መግዛት÷ መበደር ወዘተ ለህይወት የሚያስፈልጉትን ማንኛውንም ነገሮች ማድረግ ይቻላል:: የግድ ዜጋ መሆን አያስፈልግም::

ዜግነት ለፈለገ ሰውም አሜሪካ በሯ ክፍት ነው:: አሜሪካ ዲሞክራሲ ያለበት ሀገር በመሆኑ ዜጋ ሁኑ ብሎ የሚያስገድድ የለም:: የፈለገና ብቁ ሆኖ የተገኘ ሰው ግን ዜጋ መሆን መብቱ ነው:: ለዛ ግን ቅድመ ሁኔታ አለው:: ያም የትውልድ ሀገርን መካድ ነው:: ይሄንን በመሃላ ማረጋገጥ ያስፈልጋል:: ዜግነትን የፈለገ ሰው እንዲህ ብሎ መማል ይጠቅበታል
I hereby declare, on oath, that I absolutely and entirely renounce and abjure all allegiance and fidelity to any foreign prince, potentate, state, or sovereignty, of whom or which I have heretofore been a subject or citizen; that I will support and defend the Constitution and laws of the United States of America against all enemies, foreign and domestic; that I will bear true faith and allegiance to the same; that I will bear arms on behalf of the United States when required by the law; that I will perform noncombatant service in the Armed Forces of the United States when required by the law; that I will perform work of national importance under civilian direction when required by the law; and that I take this obligation freely, without any mental reservation or purpose of evasion; so help me God.
ይሄ መሃላ ከባድ ነው:: ግርድፍ ትርጉሙ ፍጹም እና ሙሉ በሙሉ የትውልድ ሀገሬና መንግስቴ ያለኝን ታማኝነት የእምነት ቃል ኪዳንና ዜግነት በመሃላ አፍርሻለሁ::ክጃለሁ::
በግሪን ካርድ እኮ ዜግነታችንን ሳንክድ የፈለግነውን መሆን አንችላለን:: መማርም ሆነ መኖር የሚከለክለን የለም:: ዜግነት የሚሰጠን አንዱ ጥቅም የሶሻል ሴኩሪቲ ( ጡረታ ) ሙሉ ዋስትና ነው:: ከዛ ውጭ ያለው ከመምረጥና መመረጥ እና የመሳሰሉ ጋር የተያያዘ ነው:: እና ለዚህ ሲባል የሚደረግን ሀገርን የመካድ ተግባር እንዴት ችግር የለውም ይባላል:: ሀገር መካድ እኮ ወንዝና ተራራውን ብቻ አይደለም:: ሀገር እኮ ሕዝብ ነው:: ሀገር መካድ ማለት በጡረታ ለሚገኝ ጥቅም ሲባል ሕዝብን መካድ እኮ ነው:: ሹመት ሳይኖር ሀገር መካድ ሹመት ሲገኝ ደግሞ “የለም የካድኩትን ትቼዋለሁ አሁን ኢትዮጵያዊ ነኝ “ ማለት በውኑ ችግር የለውምን? የሞራልና የሃይማኖት መሪዎችችን ከሆኑ የሃይማኖት አባቶችስ ይሄ ይጠበቃልን? በቤተ ክርስትያንስ ይሄ አንደ ችግር የሚታይ አይደለምን? ለሌላውስ ምእመን ምን እያስተማርነው ነው? እኔ እስከማውቀው ድረስ የቤተ ክርስትያን ትምህርት ይሄን አይደግፍም:: በባእድ ሀገርና አስጨናቂ ሁኔታ ውስጥም እንኳን ቢሆን " ኢየሩሳሌም ሆይ ብረሳሽ ቀኜ ትርሳኝ" የሚለውን ትምህርት ነበር እንጂ እንደ ኤሳው ለምስር ወጥ ብኩርናን መሸጥ አልነበረም:: እርግጥ ነው የኢትዮጵያ ጳጳሳት ከግብጽ የሚመጡ ግብጻውያን ነበሩ:: የሌሎችም ሀገር ዜጎች ኢትዮጵያ መጥተው በቤተ ክርስትያኗ የሃላፊነት ቦታ ላይ ተቀምጠዋል:: ግን ግብጻውያኑም ሆኑ ሌሎቹ አገራቸውን ክደው አይደለም የመጡት:: ግብጻዊ ዜግነታቸውን ይዘው ኢትዮጵያን ለማገልገል ነው::
ዲያቆን ዳንኤል እዚሁ መጽሔት ላይ “ነገር ግን ሁል ጊዜ የተሰደደ ሰው ብቻ እንደ ጀግና ለምን እንደሚቆጠር አይገባኝም፡፡" ብሎ ስደትና ስዱዳንን ከኮነነ በኋላ ቀጥሎ ለቀረበለት ጥያቄ ደግሞ እንዲህ በማለት መልሷል "በጣም ብዙ አባቶች በፖለቲካም ይሆን በኢኮኖሚ ጫና ወደ አሜሪካ ሄደዋል ፤ እነዚህ አባቶች በዚያ የተሻለ ነገር ለማግኝት ሲሉ በሁኔታዎች አስገዳችነት ዜግነታቸውን ይቀይራሉ፡፡ እንዲህ መሆኑ በቤተክርስቲያኒቱ እስከ አሁን ድረስ እንደ ችግር አልታየም፡፡” የተምታታ ነገር ነው::

ፓትርያርክ መርቆርዮስ

ዲያቆን ዳንኤል በዚሁ መጽሄት ቃለ መጠይቅ ላይም ያቀረበው ትችት እንዲህ ይላል፦
“አቡነ መርቆሪዎስ ከአሁን በኋላ አልሰራም" በማለት ለሲኖዶስ ደብዳቤ አስገብተው ነበር፡፡ ስለዚህ ቦታውን ለመልቀቃቸው ማረጋገጫ ነው፡፡ በፓትርያትክ ላይ ፓትርያርክ ተሾመ በማለት አቡነ ጳውሎስን መውቀስ ከብዙ ነገር አንጻር ተገቢ አይደለም፡፡"
ከላይ የተጠቀሰውን አስተያየት የሰጠው በያዝነው ዓመት መጋቢት ወር ሲሆን ከሁለት ዓመት በፊት (ሜይ 12/2011) ብሎጉ ላይ ያወጣው ጽሁፍ እንዲህ የሚል ነበር፦

"በኢትዮጵያ ቤተ ክርስቲያን ታሪክ ውስጥ የጠራ መረጃ ከማይገኝባቸው ወቅቶች አንዱ ከ1983 እስከ1984 ዓም በቤተ ክህነቱ 
የተከናወነው ታሪክ ነው፡ ይህንን ወቅት በሚገባ የሚያሳዩ እና በመረጃየተጻፉ በቂ የጥናት ውጤቶች አላገኘንም፡ በሂደት ግን ይኖራሉ 
ብለን ተስፋ እናደርጋለን፡ እስኪያንን ወቅት ከሚያስታውሱን የታሪክ መረጃዎች አንዱን ደበዳቤ እንየው፡ በወቅቱ የሲኖዶሱ ጊዜያዊ
ሰብሳቢ የነበሩት ሟቹ ብጹዕ አቡነ ዜና ማርቆስ ለብጹዕ ወቅዱስ አቡነ መርቆሬዎስ የጻፉት ደብዳቤ ነው፡፡ ካለ በኋላ ደብዳቤውን ያስነብባል:: 
በደብዳቤ ቁጥር 69/298/84 መስከረም 24/1984) የተጻፈው ደብዳቤ ሁለቱ አንቀጽ እንዲህ ይላል፦
 "ቅዱስነትዎ መንበረ ፓትርያርኩን ያልለቀቁ በመሆኑ ቀደም ሲል ከያቅጣጫው የነበረው ግፊት አሁንም እንደቀጠለ ነው::ስለዚህ ለቅዱስነትዎም ሆነ ለቤተ ክርስትያን ሰላም ሊገኝ የሚችለው የቅዱስነትዎ መኖርያ ቦታ ሲለወጥና መንበረ ፓትርያርኩን ሲለቁ ስለሆነ ቅዱስነትዎ ስለዚህ ጉዳይ ያስቡበትና የመረጡት ቦታ ካለ በአስቸኳይ እንዲገለጹ እና ቅዱስ ሲኖዶስም በውሳኔዎ መሰረት ለመፈጸም የሚተባበር መሆኑን እናሳስባለን"

እንግዲህ ከዚህ ደብዳቤ መረዳት የምንችለው ነገር አለ:: ያም በደብዳቤው ላይ በግልጽ እንደተቀመጠው ፓትርያርክ መርቆርዮስ እንዲወርዱ ከፍተኛ ግፊት ነበር:: እሳቸው ካልወረዱና መንበረ ፓትርያርኩን ካልለቀቁ ለቤተ ክርስትያንም ሆነ ለራሳቸው ሰላም እንደማይኖር በግልጽ ለፓትርያርክ መርቆርዮስ በይፋ ደብዳቤ ተነግሯቸዋል:: ( ደብዳቤውን ይመልከቱ):: ስለዚህ ፓትርያርኩ ለሲኖዶሱ አስገቡ የተባለው ደብዳቤም የነዚህ ግፊቶች ውጤት ሊሆን እንደሚችል ያመላክታል:: ፓትርያርኩ ለሲኖዶስ ደብዳቤ ማስገባታቸው ብቻ ቦታውን ለመልቀቃቸው ማረጋገጫ ሊሆን አይችልም:: ታላቁ የቤተ ክርስትያን ሊቅ አለቃ አያሌው ታምሩ ይሄን ጉዳይ ሲያብራሩ እንዲህ ብለው ነበር፦
"ቤተ ክርስትያኒቱ ያለ ፓትርያርክ መቅረት የለባትም ነገር ግን በጉባኤ መወሰን ነው ያለበት:: ዝም ብሎ አይደለም ሊደረግ የሚገባው:: ከፍተኛ ቤተ ክርስትያናዊ ጉባኤ ተሰብስቦ ጉዳዩን ማጥናት አለበት:: ሕመማቸውስ እርግጠኛ ነው? ሥራስ ይከለክላቸዋልን? እነዚህ ነገሮች መጠናት አለባቸው::አቡነ መርቆርዮስ ከቤተ ክርስትያን ሲወጡ ስለ ሕመማቸው እውነተኛ መረጃ ለቤተ ክርስትያኒቱ አልቀረበም:: በሽታቸው ተገምግሞ ለሥራ ያስችላቸዋል አያስችላቸውም የሚለው የሚል ጉባኤ አልተከናወነም::ይህ እስካልሆነ ድረስ ተሽረዋል ማለት አይቻልም::ስለሆነም ደግሞ ቤተ ክርስትያን ይመራሉ ማለት አይደለምና ሕጋዊ ጥናት አልተደረገም:: ሕጋዊ ዝውውር አልተደረገም::ይህ ከሆነ የሳቸውም መውረድ የተከታዩም መሾም ተቀባይነት የለውም " ብለው ነበር::
ስለዚህ የፓትርያርክ መርቆርዮስን ከስልጣን መውረድ "እንዲህ ነው ብሎ " ለማለት ብዙ ብዙ መጥራት ያለባቸው ነገሮች አሉ:: ስለዚህ "አቡነ መርቆሪዎስ ከአሁን በኋላ አልሰራም በማለት ለሲኖዶስ ደብዳቤ አስገብተው ነበር፡፡ ስለዚህ ቦታውን ለመልቀቃቸው ማረጋገጫ ነው" የሚለው የዲያቆን ዳንኤል ድምዳሜንም ለመቀበል ያዳግታል::
አንደማጠቃለያ
ለዲያቆን ዳንኤል ክብረት ከፍተኛ አክብሮቱ አለኝ:: እኔ ብቻ ሳልሆን የኔ ትውልድ (generation) በምግባርና በሃይማኖት ተኮትኩቶ እንዲያድግ አስተዋጾ ካደረጉ ሰዎች ውስጥ አንዱ ነው::  የግለስብ ብቻ ሳይሆን የትውልድ ባለውለታ ነው:: የማኅበረ ቅዱሳን ምስረታ፣ የሐመር እና ስምዐ ጽድቅ እትሞችና ሌሎች መሰል ጉዳዮች ላይ የዲያቆን ዳንኤል ጉልህ አሻራ አለባቸው:: ቤተ ክርስትያንን ለመበተን ተነስተው የነበሩ የተሐድሶ መናፍቃንን በመዋጋትም የዲያቆን ዳንኤል ሚና ወሳኝ ነበር:: በዚህ ዘመን በቤተ ክርስትያን ዙርያስ እንደሱ መጻሕፍትን የጻፈ ይኖር ይሆንን? ሌሎችም ሌሎችም:: በዚህና መሰል ምክንያቶች ያይናችን ማረፊያ ነበር::
ከቅርብ ግዜ ወዲህ ግን ዲያቆን ዳንኤል የሚሰጣቸው አስተያየቶችና ትችቶች እያስደነገጡኝና እያስገረሙኝ መጥተዋል:: በማኅበረ ቅዱሳን ላይ አውጥቶት ይቅርታ የጠየቀበት ጽሁፍ÷ ሁለቱ ሲኖዶሶችን ለማስታረቅ ይተጋ የነበረው አስታራቂ ኮሚቴ ላይ ያቀረበውን ትችት እንደ አብነት ማንሳት እችላለሁ:: ሌሎችም ሌሎችም:: እነሆ ይሄም ቃለ መጠይቅ ላይ የሰጣቸው መልሶችን መዋጥ አቃተኝ:: ዝምታዬ ፈነዳና እነሆ የመሰለኝን ከብዙ በጥቂቱ ጽፌአለሁ::

 http://andadirgen.blogspot.com/2013/03/blog-post_10.html#more
 http://www.dejeselam.org/2012/08/blog-post_151.html)::
 http://www.ethiopianreview.com/forum/viewtopic.php?f=2&t=14462)
 http://www.dejeselam.org/2012/08/blog-post_151.html)
 http://www.danielkibret.com/2012/08/blog-post_7924.html?spref=tw)
 http://andadirgen.blogspot.com/2013/03/blog-post_10.html#more
 http://www.uscis.gov/ilink/docView/SLB/HTML/SLB/0-0-0-1/0-0-0-29/0-0-0-10309.html#0-0-0-449
 http://www.danielkibret.com/2011/05/blog-post_12.html

12 comments:

Anonymous said...

Deacon Daniel views here are very pragmatic. We members EOTC in Ethiopia are tired of quarrels and disturbance in EOTC. We want peace in EOTC. We want administrative reform and modern management system in EOTC. We want that our Father are fulled with grace of God. We want that every orthodox person shall know well his creed and proud of it. Because we are the guardian of Ark of the covenant, the holy cross and the complete Books of the Bible as as discovered in the dead sea scrolls. We want the spreading of the Gospel to our brothers at frontiers and beyond frontiers of Ethiopia. Let try to make the transition smooth to His Holiness Abune Mathias. In my opinion, His holiness Abune Merkorios shall learn from what is happening in the Catholic church for the best interest of EOTC.
Let God Keep the Unity EOTC.

Anonymous said...

I like this comment excellent view

Deacon Daniel views here are very pragmatic. We members EOTC in Ethiopia are tired of quarrels and disturbance in EOTC. We want peace in EOTC. We want administrative reform and modern management system in EOTC. We want that our Father are fulled with grace of God. We want that every orthodox person shall know well his creed and proud of it. Because we are the guardian of Ark of the covenant, the holy cross and the complete Books of the Bible as as discovered in the dead sea scrolls. We want the spreading of the Gospel to our brothers at frontiers and beyond frontiers of Ethiopia. Let try to make the transition smooth to His Holiness Abune Mathias. In my opinion, His holiness Abune Merkorios shall learn from what is happening in the Catholic church for the best interest of EOTC.
Let God Keep the Unity EOTC.

Anonymous said...

Very good observation አዲስ, especially I like those points which you raise about the citizenship.

Anonymous said...

I could not get the theme of this article. Is the objective of Ahati tewahedo to criticize somebody? Dn. Daniel presented his views on the mentioned magazine. Why not you write your comment there? Please let us discuss about issues that are at hand. Why do we quarrel for passed issues. Let us take the past one as experience, and do our daily home works.

Anonymous said...

I could not get the theme of this article. Is the objective of Ahati tewahedo to criticize somebody? Dn. Daniel presented his views on the mentioned magazine. Why not you write your comment there? Please let us discuss about issues that are at hand. Why do we quarrel for passed issues. Let us take the past one as experience, and do our daily home works.

Anonymous said...

Dear author,

It seems fine if your comment is for reconstruction, not for destruction. I found difficulty now a days as to who is suggesting on whom. I read your ideas. That you express the sources of the information as a reference is a good process.

Corner stone ideas are always demanding. The problem is critics based on your personal but not religious interest. If that is the case, the problem becomes severe.

May God bless Ethiopia and EOTC.

Anonymous said...

Diacon Daniel yetsafew eko yemiaweqewen new. Seleteteyeqe becha lememeles yakel enji sele neberetachew men yaweqena beleh temogetewaleh?

Anonymous said...

betam teru tentanie new . Ye Daniel guday ewnetm yegrmal

zimitawerkayidelem said...

Your critical comment against Daniel is right. He was and is pro eprdf. He has been playing the game for years. Now he is coming out of the shell, and that is good. He was deceiving us as if he was for the Church and its tradition. However, we now know he is for his belly, he is for his short earthly life. Sad! He never directly oppose the damages being done by woyane against the Church, rather, he present to us a concocted poison. Why? Because, he is corrupted by woyane. Woyane is smart in that it approaches those influencial figures and does whatever it takes. It gives to those kinds of people lot of land, houses, money, power,,etc and I believe this man has got one of those stuffs. May be house? yeah! Also,...........

Anonymous said...

Good assessment! God bless you!

Anonymous said...

Wondeme egizeabher yibarkeh.sele deacon daniel kibret yalkew lik new.tikikilegna netebochen belehal.enem deacon danilen kemeyakeberut ena kemewodut sewoc mekakel neberku.endalkew be ahunu seat gin yemelachew andande negeroch bizu sewochen eyasegereme nw.

Anonymous said...

Factual as well as spiritually rich commentary. God bless you!