Wednesday, December 3, 2014

ኢትዮጵያዊቷ ቅድስት ወለተ ጴጥሮስ ንጽሕናንን የሚያጎድፍ የሐሰት መረጃ የያዘ ጥናታዊ ጽሑፍ ይፋ ሆነ

ወለተ ጴፕሮስ በ17ኛው መቶ ክፍለ ዘመን ላይ የነበረች ከቅዱሳን አንስት ኢትዮጵያውያን መካከል የምትታወቅ ቅድስት ናት። እናታችን ወለተ ጴጥሮስ በተዋሕዶ ሃይማኖት ጸንታ በቅድስና እና በንጽሕና የኖረች፣ ከዚህ ዓለም ገዢ የጥንት ጠላታችንን ዲያቢሎስን ተጋድላ አሸንፋ የኖረች ቅድስት እናት ናት። የዚህ ዜና ዓላማ የቅድስ እናታችን ቅድስናንን ለመዘገብ ሳይሆን፤ ስሟን የሚያጎድፍ መረጃ በእጃችን ስለገባ ኢትዮጵያውያን ሊቃውንት ለዚህ ምላሽ እንዲሰጡበት በማሰብ የደረሰንን መረጃ በዚህ ሚዲያ ላይ ይፋ ለማድረግ ተገደድን።

የቅድስት እናታችን ወለተ ጴጥሮስ ገድል ከእውነታው በተቃራኒ ሁኔታ በመተንተን ጥናታዊ ጽሑፍ ዛሬ Dec 2, 2014 (Rutgers State University of New Jersey) በኒው ጀርሲ ግዛት ውስጥ ኒው ብሩዊስክ ከተማ ላይ ፕርፌሰር ዊንዲ ቤልቸር(Wendy Belcher ) ይፋ አድርጋለች። ይህ የእናታችንን የወለተ ጴጥሮስ ንጽሕናን የሚያጎድፍ ጥናታዊ ጽሑፍ በሚቀጥለው የአውሮፓውያን  ዓመት ማለትም በ2015 በዓለም ታዋቂው ዪኒቨርስቲ በፕሪስተን ይታተማል ተብሎ ይጠበቃል።

ገድለ ወለተ ጴጥሮስ የተጻፈው በግዕዝ ቋንቋ ነው። የቋንቋ ምሁራን ግዕዝን ለመተርጎም የግዕዝ ጥልቅ እውቀት እና የተጻፈበት የጽሑፉ context በደንብ መረዳት እንደሚጠይቅ ያስረዳሉ። ነገር ግን አንዳንድ ምዕራባውያን ምሁራን የግዕዝ ቋንቋ በደንብ ሳይረዱ እና ሳያውቁት በተሳሳተ መንገድ የግዕዝ መጻሕፍትን ሲተረጉሙ ይታያሉ። ከእነዚህ ምሁራን መካከል አንዷ የሆነችው ተባባሪ ፕሮፌሰር በተሳሳተ መንገድ የተተረጎመ የወለተ ጴፕሮስ ገድል አግኛታ፤የሚመለከታት የኢትዮጵያ ኦርቶዶክስ ተዋሕዶ ቤተ ክርስቲያን ሳትጠይቅ አዲስ ግኝት በአፍሪካ ምድር አገኘሁ በማለት ብቅ ብላለች። ግኛቷም ፍጹም ሐሰት እና የቤተ ክርስቲያናችንን ስም የሚያጎድፍ ነው።
ለዚህ የተሳሳተ እና ፍጽም ሐሰት ትንተና ኢትዮጵያውያን የግዕዝ ቋንቋ ሊቃውንት እና የቋንቋ ተመራማሪዎች ተገቢውን ምላሽ ይሰጡበታል ብለን እናምናለን።

ይህ ዜና የደረሰው ጠቅላይ ቤተ ክህነት በበኩሉ ለፕፌሰር ዊንዲ በአድራሻዋ በጠቅላይ ቤተ ክህነት ሥራ አስኪያጅ በብፁዕ አቡነ ማቴዮስ የተፈረመ ደብዳቤ እንደተጻፈላት መረጃ ደርሶናል። ብፁዕነታችው ፕሮፌር ዊንድ የተሳሳተ ግንዛቤ እና ትንታኔ የያዘ ጥናታዊ ጽሑፏ ከማቅረብ እንድትቆጠብ አስጠንቅቀዋታል። ብፁዕነታቸው ለጉዳዪ ትኩራት ሰጠው በጊዜ ምላሽ መስጠታችው የሚያስመስግን ሥራ ነው። አሁንም ጠቅላይ ቤተ ክህነት ለዚህ ጥናታዊ ጽሑፍ ምላሽ የሚሰጥ ሊቃውንት በመመደብ ተገቢውን ትንታኔ ይሰጥበታል ብለን እንጠብቃለን።  ይህንን በመጫን ሙሉ መረጃውን ያግኙ።
ወይም የሚከተለውን ሊንክ በመጨን መረጃውን ይመልከቱ።


No comments: